探險家攻略 > 城中探秘 / 旅遊 / 美食之旅 > 博物館 / 1天短線 / 餐廳 / 自助餐 > ♥ 心思思澳門遊2013 ♥

♥ 心思思澳門遊2013 ♥

由 ka_mia 於 2013-01-27 00:00:00 發表 | 累積瀏覽 437

分類：1天短線餐廳自助餐特色街道博物館；地區：澳門

大Ka同Mia心思思好想旅行，但又未係時候，
所以就近近地去左澳門行一轉，
因為星期六日既酒店太貴了，
所以一日遊澳門就算了!
雖然行程唔緊密，但總叫去到d未去過既地方，
之前次次去親澳門都係偏重於氹仔，今次決定係番澳門呢邊玩!
係巴上又坐係大Ka最喜歡既第一個位，
仲要有鏡，甘又要影張相先!

大Ka同Mia同上環上船了!

大Ka同Mia上到船又無野做，都係睇下地圖去邊玩好!
仲有好重要好重要甘決定2013年去邊旅行好，
結果之後就會知道!

大Ka同Mia決定左去試下銀河既自助餐，
雖然好多人都話去澳門應該食地方美食，
但係香港食有質素既自助餐真係好貴好貴，
所以決定一試，澳門超值既自助餐，
因為怕WALKIN無位，所以一落船就去銀河BOOKING先，
不過銀河又幾方便，
有車去新馬路、官也街等!
梗係唔執輸，排隊上車!

大Ka同Mia第一次去十月初五街，
原來好近新馬路，
影完一輪相之後，
大Ka同Mia去番上次Mia覺得好食既牛記，
詳情請睇番 ♥ 澳門美食十月初五尋 ♥ 一篇既介紹，

大Ka同Mia今次係食普通野，
大Ka點左牛雜河，
牛記既牛雜真係好好味!好入味又(林)，

Mia點左咖哩牛腩粗，
雖然牛腩就比較硬，但牛腩味道好好，入晒味!
而咖哩夠晒辣!
總括黎講都係幾值得試!

Mia係餐牌上見到咖啡(巴西)，
即刻叫左杯黎飲，
上次同爸爸黎食果次佢叫左杯係少奶，非常之唔好飲，
但係唔信邪要試多次到底好唔好飲，
多番D奶既情況下好味好多，
同平時茶餐廳果D咖啡真係唔同味，
多左種燶燶地既味!係好香，絕對唔係真係燶左既味!

大Ka同Mia食飽左之後就去今日其中一個重要景點----澳門科學館，
唔知點解真係唔多人，可能係太遲入場，
上到個展覽台，淨係得大Ka同Mia兩個人咋，

大Ka同Mia黎呢度因為好多人去過都話好玩，
其實唔係為左了解科學原理，
開始玩小遊戲了!

大Ka同Mia比呢個煮食機玩謝左，
唔係唔熟就係煨晒，煮極都唔成功!

到左玩手眼合一既小遊戲，
係無紅點幫手既情況下，個分數都叫可以了!

大Ka同Mia終於落到運動層，
做運動做到癩左，因為每個遊戲都好體力勞動，
大Ka同Mia平時都唔做運動既!
超級神奇~~~~~~
射籃竟然百發百中入晒籃!!

Mia玩呢個乒乓球打左4次，
真係好好玩!

有二人GAME，比賽划艇，
決戰一分鐘，開始了!
大Ka同Mia終於要決一勝負了，
玩左兩次，都係大Ka贏!
玩完呢個真係累到死!

大Ka同Mia為左影呢個蘑菇雲，
應該拍左20-30次，

估唔到既係竟然有影相位，
又無人影，仲唔影到忘晒形，
一心想去COUNTER印番張相出黎，
點知就係咩都玩到忘形既情況下，
結果COUNTER關門，無得拎走了!
如果大家去既時候見到大Ka同Mia唔好指住黎笑!

超級大火車!
係影影下相既時候，
原來已經要關門，比人趕走添!
本來仲有好多得意公仔但都影唔到，
如何有機會去就要早些入去了!

一出番黎，原來已經天黑了，
科學館外面都幾有型呀!
外面個海景都好靚呀!

大Ka同Mia轉到另一個重點---銀河，
一入到佢係有好多應該係泰國人既小姐，
問有咩幫到你，個個都好高好靚，仲有唔太多同胞，完全估唔到既係係銀河由BOOKING、係LOBBY、餐龐都係要講英文，
係一個幾得意既體驗!

整完一大輪之後就係鑽石出黎!

其實之前都找左好耐去邊間食好，
到最後就決定左去銀河食，
今晚食餐好既地方就係--- 群芳!

星期六至星期日及公眾假期 (兩時段)
下午5時30分至晚上8時及晚上8時30分至晩上11時
成人 $338，
有銀河會員卡有9折，即係免加一了，大Ka同Mia選左晚上8時30分至晩上11時，
早左二十分鐘就到係D梳化坐係度等等先，
係甘見佢地refill緊野食，
為下一輪客準備食物，

可能booking早，
比左過好舒服既位大Ka同Mia，
唔洗迫二人茶餐廳檯，

其實重點就係為左呢d雖然唔係好大隻但好新鮮既生蠔，
當然唔少得魚生、蟹、蝦、鐵板燒、串燒等等，
個玉桂朱古力卷，真係好好味!--- 呢個係Mia身為玉桂狂迷既意見!
栗米雪糕又係好好味!食左三個球!唔怕肚痛!

Mia超愛呢個朱古力玉桂卷!!!

食到好飽了，係時候要返香港了!
係銀河受到既待遇真係好好!
非常滿意!

因為時間控制得唔好，
所以全部行程都delay晒，
本來大Ka想去鐵達尼紀錄展都去唔到，真係唔好意思，希望你地有緣再會!
題外話，旅遊業永遠都係旅客第一，
甘旅客初到貴境第一個就係接觸入境關員，
但眾多關員當中總有一位未及水平的關員，
從來沒有想過會係甘比果位關員鬧，
人多就少不免會忙少少，
但甘唔代表你可以隨便鬧人，
協助旅客亦都係妳既責任，
澳門旅遊業妳都有份嫁!
呢個小旅行當中最唔開心既事!

============================================

感謝 ka_mia 提供以上資料

ka_mia的網誌: http://kaandmia.blogspot.hk/

============================================

鐘意SeeWide的分享，給我們一個Like吧！