探險家攻略 > 城中探秘 / 購物 / 影視 / 旅遊 > 其他 / 飲品美食 / 演唱會 / 長線旅遊 > 【韓國自由行2011‧重拾青春的瘋狂。2】

【韓國自由行2011‧重拾青春的瘋狂。2】

由 ka_mia 於 2012-11-12 00:00:00 發表 | 累積瀏覽 352

分類：演唱會長線旅遊其他飲品美食；地區：首爾

第二日起身，攪掂晒D野就出發去梨大啦~
但去梨大前，我地已經係酒店度食左個外買PIZZA做Brunch啦~

真係超好味呢~又平~完全超值!!
今次去梨大,我覺得冇咁靚啦~唔知係因為去得多定係俾延世影響左呢?不過佢仍然係好有味道的!

唔知點解係同一個地方，呢面會係咁好天架呢?我地係梨大都冇停留好耐就走啦~
係梨大行返去新村，係梨大女人街架都買左唔少野，所以都返一返酒店時~
今晚就係我地旅程架重點節目的日子啦~
我地四點幾開始係新村出發，轉左2次車就去到奧林匹克公園站(今日架目的地)

如果去呢度睇演唱會架朋友要小心啦..你要睇清楚架地鐵係去邊個方向呀..
呢個站係轉車站，而且轉車地點都係0係同一個月台的，所以要認清楚向"마천"方向就岩架啦~!
去到都成六點架啦~真係一D都唔近

七點就開場啦~緊張~估唔到韓國都會有人係附近賣螢光棒~D款式都幾靚架~

佢有話你知係邊個口入架~

搵到就排隊入去....人真的超多!!!
終於入到去啦~個場就唔算好大~
坐我地旁邊果個係韓國人~佢地好好人~我地拎住張韓文應援紙唔識解都係問佢地咋~^^

呢個係我地個位望落去~咁樣睇好似好遠~但其實唔係架~因為我地個位前面係有一個小舞台的~
成員們會輪流過黎~所以OK架~

開始前黎個合照先~超緊張加興奮~!!!!

嗚嗚嗚~~!!開始啦~開始啦~全場寶藍海~~

好近架小圭同大云哥呀!!!
因為場內保安捉得好嚴，一見到影相就會行埋黎話~所以我地都係做個乖寶寶~收埋個相機去~
睇完演唱會真係好累呀~完全HP值係得返10呀!
但係我地要好快手咁出去趕地鐵尾班車..如果唔係都唔知點算..
我地以為自己好好彩咁上到尾班車啦..唔使煩啦...
但點知..原來佢地同香港MTR好唔同架..香港上到車就一定成條線行晒..
但韓國係...佢地一夠鐘收工唔埋係咪尾站，就會叫人落車走..
唔知係咪韓國人慣左..佢地好似冇咩問題架..但如果係香港..真係會話到飛起~
咁大KA同Mia都只好跟大隊行，上返地面..完全唔知邊度..好彩架係有好多人陪..如果唔係得我地2個真係有D驚..
唔好彩的是實在大多人啦..個個都係0係度等的士，D的士司機又會拒載..而且又九級凍喎...整件事都變得好慘..><

呢度係一小部分人等的士中...但已經係2行了..
終於唔知等左幾多十部的士後，終於可以上到車啦~
終於返到新村啦~個肚咕咕聲又餓到扁晒先發現我地係未食晚餐架..
去左食好出名架新村炒辣雞..因為太夜架關係..一去到已經有位..咁我地叫左個八爪魚加炒雞
等左一陣就有得食啦..唔..唔知係咪對佢太大期望呢...我覺得唔係話咁好食姐..
而且D人態度好唔太好..我都係覺得食開果間岩我地口味D!

可能我地真係用左太多能量..食完個炒雞仲覺得肚餓..
只好係新村繼續覓食..
最後我地搵到呢間炸雞店仲未CLOSE的..不過我諗都係差唔多收工架啦..

係呢2位明星開的..不過我地唔識佢...
因為佢地已經收拾完畢..得幾個員工係度食野同吹水..
等左半個鐘度，炸雞完成!
外買返酒店食~

都唔記過自己叫左個咩雞啦~但都幾好食架~
不過暫時食過幾間始終覺得最好食係TWOTWO雞~好機會大家都試下呀~
聽日盲要返香港啦..開心架時間真係過得太太太快了..又係時候執行李啦..

待續

============================================

感謝 ka_mia 提供以上資料

ka_mia的網誌: http://kaandmia.blogspot.hk/

============================================

鐘意SeeWide的分享，給我們一個Like吧！

檢舉

攻略日期：N/A

攻略地點：首爾
攻略時間：1日以上

是次消費：N/A

共0人比"掂"

ka_mia

中級探險員

簡介：2個輕熟女-盲摸摸遊世界-盡自己能力去探索世界!...

5 【2014。吉隆坡‧暴飲暴食之旅】

6 【2014。峇里島‧幸運之旅】

3 【2013。墾丁小琉球‧同陽光玩遊戲】

4 【2013。釜山‧與櫻花有個約會】

11 【2012。日本韓國‧雙城遊】

2 【2011。韓國‧重拾青春的瘋狂】

1 【Ka‧Mia。生活日誌】

2 【Ka‧Mia。韓國偽生活】

8 【Ka‧Mia。齊齊扮靚靚】

4 【Ka‧Mia。周圍食】

1 2015: 1
05月

13 2014: 1
12月; 1
09月; 2
07月; 1
06月; 2
04月; 2
03月; 2
02月; 2
01月

31 2013: 1
10月; 1
08月; 1
07月; 2
06月; 3
05月; 5
04月; 5
03月; 8
02月; 5
01月

55 2012: 10
12月; 3
11月; 2
10月; 5
09月; 8
08月; 15
07月; 3
06月; 1
05月; 7
04月; 1
03月

累積瀏覽 48969

全部攻略 100

全部回應 33

首頁探險家攻略香港好去處探險家排行榜新手指南聯絡我們

網站上的資訊及圖片，若閣下為部份資訊的版權擁有者，如有觸犯你的知識版權，請來信info@seewide.com，我們接到投訴後即時處理

重要聲明：本網站是以即時上載留言等方式運作，對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。

SeeWide 香港特搜致力打造香港好去處、活動指南，聚集全港探險家，一同搜羅及分享精彩的玩樂、消閒、香港好去處等情報，務求讓大家能看多一點、闊一點！