![]()
因為近排成日都加班又夾唔到時間去試新野，
大Ka 同 Mia好耐都無update過了，
所以見秋風起!個人特別想食一煲煲既野!
如果唔怕辣既人可以近年好興食既辣雞煲，
食完一煲雞之後就加湯打埋邊爐，真係太方便了!
今次大Ka 同 Mia就係去左紅磡食辣雞煲，
地址同Link如下:
紅磡蕪湖街78A地下
![]()
![]()
門口已經有個黑板寫明雞佬推介!價錢一段唔係特別平或特別貴!
![]()
今次叫左個中辣黎食，其實都唔知會唔會噴火!
落左order後都要成三四個字先有個雞煲黎，其實煲雞一開始就已經食得了，
不過都係撈一撈d汁同雞佢先開始食!
![]()
果然隻雞係腌得好入味!
好在中辣都唔會太辣，未至於會噴火，
當大家將d雞食得七七八八既時候就可以選辣或清湯開始打邊爐了，
極見意加辣湯，因為清湯會越煲越淡!
![]()
冬粉亦都係必選item，
即酸辣粉果d粉，
一煲左之後就會好林而且好滑又入晒味!
不過因為太滑真係好難入碗中，
唔係彈到周圍都係就係趺晒係檯面，
真係激死人，令人又愛又恨，
越難得到既就越好食~
![]()
大家記得叫埋份黑牛柏葉，
真係好爽口~牛肉已經係打邊爐既必選之一，始終都係有d肥先至係好味!
![]()
![]()
墨魚咀又係另一玩人食材，難就係難在第一次食唔知要煲幾耐先至食得，
又怕唔熟煲耐d，點知又韌得滯，
太短時間又怕唔熟，
最後都係要問人要煲幾耐先食得，
原來只要三分鐘就可以整到爽口彈牙又熟透既墨魚咀!(雖然個樣唔靚仔)
不過呢個煲真係好油，所以要食既人要有心理準備，
下次大Ka 同 Mia再同大家分享!
============================================
感謝 ka_mia 提供以上資料
ka_mia的網誌: http://kaandmia.blogspot.hk/
============================================
