六年級嘅時候已經移民咗去澳洲居住，對於一啲懷舊嘅飲品都無乜印象，甚至乎係唔認識、無飲過。
三色牛分別係黑牛、黃牛、白牛，黑白牛絕對唔係乳牛、黃牛亦都係炒嗰隻。印象中細個時好似响餐牌上見過黑牛，但當其時完全唔知係咩飲品。白牛、黃牛直頭係未見過。而家香港已經無乜地方有呢類懷舊嘅飲品飲，呢次嚟到澳門，得 KC 帶領我哋去品嚐咗呢款懷舊飲品。
黑牛 - 可樂加朱古力雪糕；白牛 - 雪碧加椰子雪糕；黃牛 - 玉泉忌廉加菠蘿雪糕
其實仲有四色牛架。。。就係。。。紅牛，好難想像有咩汽水係紅色？唔通係利賓納？一問之下。。。。吓。。。。原來唔係汽水，係紅色嘅糖水
![]( "(hypnotized)")
如果大家都有興趣想懷舊一番，不彷嚟試吓三色牛，但大家要記住呀。。。店子準時六點關門架！
============================================
感謝 事頭婆 提供以上資料
事頭婆的網誌: http://pamdinningtable.blogspot.hk/
============================================
