The Greenery @ The Royal Garden Hotel

曾幾何時好瘋狂地愛上食buffet，不論係我屋企人或朋友，總喜歡食buffet 聚會。帝苑酒店嘅 The Greenery 絕對係我哋嘅選擇之一，dinner 或宵夜 buffet 都光顧過無數次。主要係因為佢嘅食物琳瑯滿目，而且美味，價錢亦都相宜。

食buffet 有一個好處，你無需要相就其他人嘅喜好，林林總總嘅食物總會有你所喜愛嘅。每一次出去揀選食物嘅時候，又可以順便幫助一下消化。

首先嚟一個冷盤海鮮，唔敢攞得太多，每款只係要咗一份，如果唔係怕自己之後嘅會食唔落。長腳蟹非常鮮味，蟹肉好嫩兼厚肉。麵包蟹勁多膏，好啱我口味！



炙燒壽司嘅火喉剛剛好，唔會燒得太過，單單一個炙燒白鱔壽司已經值回票價。



每人一客嘅扒大蝦係今晚主打，肉質肥美，令人回味無窮



食buffet 飲湯好似有啲傻，但我就係咁傻，每一次我都會飲中湯 and/or 西湯，今晚原本想飲埋西湯，可惜想飲嘅時候已經沽清。中湯絕對係足料老火靚湯，海底椰肉排！



有多款嘅日式燒串燒選擇，呢樹只係其中嘅一部份咋。今晚雖然無生蠔，但就有炸蠔，個蠔好鮮味，炸得夠香脆又唔油。



燒牛仔肉夠哂嫩滑，絕對係不可錯失嘅選擇之一



好鍾意呢食呢道烚海鮮，有好多款唔同嘅海鮮、肉類選擇。同時可以選擇有機什菜湯或意大利海鮮辣湯底，我就選擇咗什菜湯，再另加辣椒粉，超好味！



最後係甜品時間，一直以嚟都好鍾意食佢嘅 Tiramisu，今次就多咗另一至愛，就係班蘭pancake。相比一般普通嘅 pancake，這個多咗淡淡嘅班蘭味，變得更加好味，但記得一定要趁熱食啊！

 

============================================

感謝 事頭婆 提供以上資料

事頭婆的網誌: http://pamdinningtable.blogspot.hk/

============================================