囍 ♥ 木釘字 ♥ WELCOME BOARD

呢三塊木釘字係我地上年7月我同男友兩個人一齊整既, 係我地拍拖8周年既節目, 靚唔靚呢, 我就大愛喇!

本身佢係做一塊長方形木板既, 但係我地想做獨立三塊, 加錢就可以解決喇

我同男友既英文名同姓都係同一個英文字開頭, 真係橋, 嘻嘻

Workshop Miss 仲特登揀左呢款字體比我地整, 會靚D喎

第一步要諗究竟想釘乜字, 要上堂前一日話比佢聽, 幫我地印字

第二步去到Workshop就要將三塊木板先油顏色, 原先係木既顏色

我揀左粉紅色, 又唔好全塊都係同一隻粉紅色, 漸變MIX埋會靚D (溝左D白色)

油完用風筒吹乾, 乾透後先可以做下一步

乾左之後可以做第三步 : 釘銀釘, 用果張印有英文字既紙放係木板上, 跟返D黑線隔D位就釘一釘, 勾返線條, 勾完可以撕掉張白紙

第四步：就係要用幼釘釘落去塊板度, 記住要釘實少少, 以免陣間繞繩會甩

(粒釘好細好幼, 辛苦男友仔了, 導師亦比左手套佢, 驚佢整親 XD )

第五步：檢查一下有冇邊D釘未穩就要補釘 (最好垂直釘, 繞線效果會靚D, 但係我地好多都唔直 >.<" )

第六步：就係要繞線喇, 係用綿線(冷)整既, 要揀岩心水顏色, 用咩色

我都係用返果類顏色整(粉呀紫呀), 大致上全部都唔同顏色

用一支唔用既原子筆, 唔要筆芯, 筆頭筆尾都唔要, 將條線繩穿入去, 咁就可以繞喇 (Workshop提供)

先繞外圈, 然後到裡面, 最尾要打返個結仔收尾

第七步：繞好哂之後就可以裝飾塊板, 本身係包左LACE或者四角既銅片, 我地揀左LACE

我就自己另外帶左D裝飾黎整, WORKSHOP都有D裝飾提供(要比錢的 XD)

好開心我地兩個人一齊整左呢三塊咁有意義既板出黎, 心心中間位可以考慮放結婚相片

Miss 都話男朋友仔好好, 願意一齊黎整, 男朋友仔仲話佢以前ART堂係攞F的, 真係唔敢想像, 哈哈哈

愛情既魔力真係勁呀! ^0^

呢三塊板陪我地去影過PW, 但係D相唔係好起眼 >.<

不過結婚果日一定會睇到, 因為我會將佢放係接待處, 黎簽名既一定睇到, YEAH!!!!!