浪漫之都巴黎 ( 前篇 ) * 2008

小妹心中的巴黎是美好的 ! 但曾到此一遊既同事口中的巴黎卻是黑人奇多 , 治安極差既地方 . 掃把 S 就曾於巴黎地鐵上被偷去銀包一個 , 真人真事 . 所以當同事們知道小妹跟同事 A 要到巴黎遊玩 , 都給予很多意見 , 苦口婆心地勸告小妹要六點前回酒店 . 未到此地就已聽到咁多負面說話 , 唔擔心就假 !

航機於十二點多抵達戴高樂機場 , 買車票向市區進發 , 開始感受到法國人對外國人 ( 亞洲人 ? ) 既奇異眼光 . 兩點多到左酒店 , 係酒店發生不愉快事件 , 擔誤左小妹既時間 , 想知發生咩事請看酒店篇 , 在此不多提了 .

今日是六月第一個星期日 . 出發前上網搜集過資料 , 得知每個月既第一個星期日 , 羅浮宮會免費開放 , 既然免費開放 , 小妹又怎能錯過依個大好機會 ? 講真 , 小妹對藝術認知有限 , 除左知道羅浮宮內有蒙羅麗沙的微笑以及門口有貝律銘金字塔外 , 基本上對其它藝術品一無所知 . 假如大家跟小妹一樣無咩藝術修養 , 請先到羅浮宮網站溫書一下 , 如果唔係去到都只係得個 " 睇 " 字 , 實屬浪費 ! http://www.louvre.fr/llvr/index.jsp?bmLocale=zh

終於黎到世界上數一數二既博物館參觀 , 由於今日係免費開放 , 所以下午四點多都仲有好多人排隊入場 . 小妹一入到裡面既大廳即刻先搵 information counter 攞返本簡介 , 但好似唔覺有中文簡介 . 由於羅浮宮太大 , 小妹根本無從入手 , 蒙羅麗莎 , 你究竟係邊到 !?

羅浮宮網站有很多條唔同既參觀路線 , 門外漢既小妹當然以 " 羅浮宮館藏傑作 " 依條路線作參考 . 第一件吸引小妹既作品係位於樓梯中間既勝利女神 La Victoire de Samothrace . 件作品雖然無左個頭同隻手 , 但仍給人一種迎風而立既感覺 .

來到一個好似畫廊既地方 , 見到拿破倫一世與約瑟芬皇后加冕禮 , 佔左一大幅牆 , 除左靚 , 亦可用迫真黎形容 .

小妹曾於某報章看過大宮女 La Grande Odalisque 依幅名畫 , 得知當中主角既身型比例奇特 , 當見到此畫作時 , 亦特別留意其身型 , 但女主角既眼神好似問小妹 : 望咩望 !加納的婚禮係以聖經故事為提既作品 , 由於小妹幼時有返教會既習慣 , 耳濡目染下對聖經故事都有一定認識 , 因此可以為同事 A 從旁解釋 .

睇左咁多畫作 , 終於遇到令世人為之瘋狂既名畫 - 蒙羅麗莎的微笑 . 講真 , 只能遠觀 , 而且前面又有一道人牆 , 再加上幅畫好細幅 , 根本睇唔得真 . 可能就係因為睇唔清 , 所以先才有美感 .

羅浮宮除左有名畫睇 , 仲有一堆又一堆既石像 . 小妹唔太識欣賞 , 但當中依兩個擁抱中既天使 , 好似有魔法咁將小妹跟同事 A 吸引過去 . 事實証明 , 出色既作品是有一定既感染力 !

兩個多小時當然沒法逛完整個羅浮宮 , 要知道它可是法國皇宮 , 堂堂一個皇宮又怎會一兩下給小妹逛完 ? 我兩逛到關門才走 , 但求盡量看多一點 . 有很多展覽館小妹也沒有逛 , 只是選擇地逛了名畫以及希臘既雕塑 , 臨走前多逛了拿破倫三世既套房及主客廳 , 可惜小妹部相機太癈 , 沒拍到什麼好照片 ...

明天又要展開地獄式行程 , 今天要早點睡 , 但奇怪的是晚上十一點多太陽才下山 ...