浪漫之都巴黎 Paris ( 後篇 ) * 2008

今日行程只得一個就係位於第四區既梵爾賽宮 .

前往梵爾賽宮並唔容易 , 要乘坐 RERC5 線到 Versailles Rive Gauch 站下車 , 再行十分鐘 , 但要由 M 轉 RERC5 線並唔容易 , 根據 M 內指示轉來轉去 , 終於成功上車 . 在此要感謝黎自柬埔寨既叔叔 , 多謝佢既協助 , 小妹才得以黎到梵爾賽宮 .

梵爾賽宮由皇宮及花園組成 , 一日票 20 歐 , 但由於下大雨既關係 , 小妹只參觀皇宮而已 , 價錢 13.5 歐 . 買票時 , 小妹真想破口大罵 , 等左半小時 , 都見唔到龍頭 , 仲要等到一舊黑雲飄過 , 係空曠既地方等買票 , 結果被淋成落湯雞 . 可能因為有旅客真的破口大罵了 , 結果買票速度突然快左 , 係等左一個多小時後 , 終於買到票入內 ! 給大家參考既網址 www.chateauversailles.fr

未入宮殿 , 只見其門已經金光閃閃 , 可想而知宮殿內部必令遊客嘩聲四起 .

皇室禮拜堂美輪美奐 , 自然吸引旅客既目光 , 但由於並無開放既關係 , 要一睹其風采並不容易 , 要從人堆中迫入去門口才能看得清楚 . 以白色為主調 , 金色為副 , 簡直係女孩夢想既結婚場地 ! 

接住進入一間間房間 , 沒錯 , 沒有門分隔既房間 , 每間房都有一大窗 , 掛了很多畫像 , 是皇室成員自畫像嗎 ? 不得而知 , 因為小妹找不到拿 audio guide 既 counter .

上樓梯經過一條放滿雕像既長廊 , 來到一處有壁爐既大房 . 這是客廳嗎 ?

那盞水晶吊燈很美很美 , 應該講由一入皇宮開始 , 每一盞水晶吊燈都深深地吸引小妹 .

終於來到國王皇后既房間 , 華麗一詞不足以形容 ! 房間雖美 , 但看來盡無私隱可言 , 都係個句一道門都無 ! 怪不得 , 瑪麗皇后要講一句 " 我在世人面前塗煙脂 " . 記得之前看過瑪麗皇后既電影 , 當時有一幕皇后生產 , 聚人圍觀既場面 , 看來確有此事 .

睇過依套電影 , 知道依段歷史 , 到過依個宮殿 , 有好深既體會 . 好可憐既一個女孩 , 離鄉背井 , 唯臭萬年 . 梵爾賽宮的確係一個令世人驚嘆既宮殿 , 但相信對年輕貌美既瑪麗皇后黎講 , 依到只係一個鳥籠 . 活於世人既面前 , 一言一行千對眼睛望住 , 感覺難受 . 佢都只係夜夜生歌 , 如果係小妹 , 早就癲左 .

講返個國王皇后房間 , 以前既法國人都係朱如 ?? 點解張床咁高 , 但就咁細 ?? 一個人都未必夠位訓覺 , 仲要兩個人 , 真係好奇怪 ... 公主張床又係咁細張 , 成張 BB 床咁 , 全家都係朱如人 ??

鏡廊出名 , 出名於佢有段故 , 唔記得係簽咩公約既地方 . 但對於小妹黎講 , 依到就係童話世界中公主與皇子相遇既大廳 . 整個天花掛滿一盞盞水晶燈 , 一邊全是鏡 , 另一邊就係古典既大窗 , 穿上中世紀既晚裝 , 播返首華爾滋 , 時間好似回到十七世紀 !

行行下去返地面 , 每個房間都面向花園 , 光線充足 , 賞心悅目 . 書房 , 會客廳都設於此 . 皇宮格局一流 , 只係欠缺私隱 . 如果要換衫咁咪被人睇光光 ??

終於停雨 , 小妹走到皇宮外逛一下 , 雖然沒有票不能入花園參觀 , 但站在門外看一下 , 已能感受到卸花園有多宏偉 , 沙地碎石 , 馬匹專用 , 想當年成個山頭咁大既卸花園真係可以放些生雞比國王狩獵過日晨 !

明天大早就要坐機回 london , 又要係機場過夜 . 原來坐飛機並唔係一件好事 , 下次都係坐火車算啦 .