大學城-牛津一日遊 * 2008

原定一到英國 , 就會進行地獄式市內觀光行程 , 奈何 Underground 罷工 , 令小妹改以 Oxford 作為倫敦之旅既序幕 .

 

 

前往 Oxford 方法簡單 , 從 Paddington 火車站有火車直接前往大學城 , 車程約一小時 . 09:30 後出發可買最便宜既 Cheap Day Return 一日來回票 , 只需 20 英鎊 . 另外 , 亦可考慮到 Victoria Coach Station 坐巴士前往 , 但相信巴士車程會比較長 .

 

 

小妹到 Oxford 既目的當然是尋找 Harry Potter 既霍格華茲宴會廳 , 但入城不久就開始迷路 . 來到一所似城堡既建築物前面問路 , Hello ! Where is Oxford University ? 人家回答 " All over here " 井底之蛙既小妹仲以為牛津大學好似香港既學校咁得一棟野 , 原來世界那麼大 !

 

逛了很久也找不到霍格華茲宴會廳 , 決定放慢腳步 , 好好享受小鎮風情 ! 來到一大街 , 商店林立 , 在此找到同事 I 之前在英國買回來的超好味朱古力拖肥糖以及 Crabtree 餅乾 . 最令小妹高興係買左一大堆 Boots 護膚品以及瑪沙餅乾 , 平靚正 !

 

下午四點多終於找到前往 Christ Church College 既路 .

 

 

 嘩 ! 門口種左一排紫色既薰衣草 , 超靚既學校門口 !

 

終於搵到霍格華茲宴會廳 , 可惜到步時已關門 . 在門口拍了到此一遊既照片就圍住學校走一遍 .

 

 

見到有一班學生玩草地棍球 , 大大片草地真係好靚 !

 

 

牛津不瑰是英國數一數二既學府 , 地靈人傑 , 怪唔之得有咁多人想黎依到讀書 !

 

逛到五點多離開 , 咁早走 , 當然有下一站行程 , 就係去 harrods 買手袋 , 嘩哈哈 !