上班準時

讀書時候 , 要準時 , 害怕遲到會被記過 ; 出來工作 , 要準時 , 遲到一分鐘也有可能從此放長假 . 小妹的第一份工 , 高層全是紀錄部隊出身 , 可想而知對下屬上下班 Check 得有幾嚴 , 遲到一分鐘就要被 Leader 簽簿仔 . 到第二份工 , 雖然唔嚴 , 但唔代表可以遲到 , 除非小妹打算被政府 Badlist 啦 . 第三份工 , 遲到即現形 , Miss Duty 有幾大鑊 , 唔講大家都明啦 !

黎到依間公司做 Reception , 要做埋 Admin 既野 , Check 同事上落班情況 . 小妹從不知道外面既世界原來如此自由 . 間公司係同行黎講算數一數二既大公司 , 基本上 , 老闆對員工有無拍卡返工唔太著緊 , 最重要交到數 . 聽同事講 , 公司以前都有少少福利 , 但被同事濫用 , 結果無曬 , 睇黎間間公司都總有害群之馬 !

公司給予同事自由 / 福利 , 唔代表可以濫用 , 佢比得你 , 亦收得返 . 小妹有感而發 , 原因今早有某同事好唔高興咁質問小妹 , 點解要 Mark 佢遲到 . 仲大條道理話塞車控制唔到 . 小妹見到佢個惡樣 , 真係覺得依家既教育制度好有問題 , 連小朋友都明白準時係美德既道理 , 竟然由一個大學生問出口 ...

小妹好想問佢遲到你仲咁大聲 , 在於老闆角度遲到就係唔應該 , 遲咁多次都無人話你 , 你真係執到 , 仲好意思走出黎質問小妹 . 真係今時唔同往日 , 未捱過苦 , 果然唔知咩叫幸福 . 如果佢有機會入黎機場做下 , 佢實學唔會準時 , 因為我地係要 " 早到 " !