獅城探親記 ( 第三天 ) * 2012

今日由姨媽帶路四圍玩 , 目的地是聖陶沙 , 之前去過一次 , 再加上天陰陰 , 都無點影相 . 行左一圈就走 , 其實同尋日個公園差唔多 , 都係花花草草 , 不過多左隻大隻牌漁尾獅 . 上次去坐吊車 , 今次小妹堅拒 , 本來打算坐船 , 但媽咪怕暈船浪 , 所以去左坐無人駕駛 .

下午茶係海旁既商場吃串燒 ... 掛住食 , 唔記得影相 ... 小妹好佩服朋友仔們 , 永遠記得食前要拍照 ... 無人提我 , 果然唔記得 , 哈 ~

行完花園 , 再行花園 . 五十樓的空中花園 , 上到去有少少腳軟 , 小妹最高都只係住過九樓 ... 依個咁靚既花園 , 入場係要收費架 ! 不過小妹去就免費 , 因為住客係可以自由進出架 . 講都唔信 , 姨媽住既只係政府既公屋 , 但設施媲美香港私人屋院 !

很喜歡這張相 , 我跟媽咪竟然擺同一 Post , 而且笑容一致 !

在空中花園看日落 , 附近都沒有什麼高樓建築 , 所以風景一流 !

晚餐是在牛車水吃地道美食 , 我覺得很不錯 , 除了那碟 " 老水 " , 只係得個樣似 , 個味完全唔得 , 係無味 ...

其實姨媽就係住牛車水對面 , 要去行街食野都好方便 . 小妹有儲明信片的習慣 , 平日有空亦會攞出黎睇返自己寫架野 , 都幾開心 !