17 APRIL 2014(THU)
今日參加左由 Tryit 舉辦嘅Goossens朱古力品味工作坊~
一入到場就俾佢個朱古力櫃吸引左，原來Goossens有好多唔同種類朱古力呀~
坦白講，我都幾鐘意食朱古力，不過真係唔係好識分品質嘅好壞，所以就藉今次活動對品嚐朱古力可以多點認識啦~
當天經理好用心咁同我地慢慢講解朱古力的製法，好壞朱古力之分別~
原來朱古力不是越苦就是越好，朱古力嘅濃度百分比越高亦都唔代表苦味，只要朱古力內嘅可可油同可可渣配合得好，咁就可以成為一粒極品嘅朱古力。
此外，朱古力的濃度高亦唔代表係高品質，最重要是可可油的比例，比例愈高即代表朱古力成本愈貴，口感更滑~
介紹完朱古力之後，就到左今日活動第一個環節，就係試食純朱古力體驗，有七種唔同種類嘅朱古力俾我地試食，從而估出各朱古力嘅百分比、濃度及滑度~
其實係依七種朱古力入面，有啲係味道又幾特別，食落會有啲果味、酸味、煙草味，不過最令我有印象都係第13款(即第二排第三粒)，依一款係Goossens自家混製，用左2份可可油與1分可可渣，所以覺得特別濃滑呀！
第二部分試食Goossens精品朱古力之前，都係時候介紹吓Goossens嘅歷史~
Goossens 品牌來自比利時，以手工朱古力聞名，來自比利時安特衛普(Antwerp)的著名手製朱古力店，創辦人Rene Goossens在1977至89年間為皇家比利時糖果大師協會會長，朱古力製作精美真係成個藝術品咁，所以多次被送往皇室作禮物。
佢地啲朱古力真係好出名，原來唔止香港，好多國家舉行公營活動時，都係用佢地品牌嘅朱古力~
除左食嘅朱古力之後，佢地仲有啲朱古力擺設，負責人話依兩年擺設都有四十多年歷史，因為冇入任何糖分，所以就可以擺到依家都仍然冇任何損壞呀~
Goossens強烈推介嘅鑽石朱古力，在燈光照射下，有閃閃亮嘅效果，真係又靚又特別呀~
依家其中一款正使用玻璃纖維模具呀~
哈哈...等左咁耐，終於到左我地今日嘅重頭戲，食Goossens精品朱古力，真係粒粒都好靚呀~
其實每一粒個味道都好特別，都係一樣咁好食。不過最吸引我嘅都係長長的橙皮朱古力，因為入面啲橙皮唔會乾乾的，食落軟軟的仲感覺好新鮮添，所以依個強烈推介呀！
More information :
網址：http://www.goossens.com.hk
FACEBOOK：https://www.facebook.com/goossens.chocolatier
其他博客區
※※ SINA ※※
※※ MyBB星級Blogger ※※
※※ WeShare ※※
※※ She.com ※※
