攻略日期：2014-04-25
因為打算去日本, 很想找找家中還有沒有用剩嘅YEN, 記得好耐好耐之前我收過幾張 2000日元紙幣, 不過, 當初唔知道原來2000日元紙幣係印制得特別少, 所以, 之前去日本就用嚟買左野. 不過, 前幾日竟然被我執執下野, 執返一張出嚟.
嘩!! 全新版架喎, 忽然有個感覺, 好似儲咩都唔多好, 好似我以前儲好多可樂汽水罐, 結果又生锈, 又漏到成櫃都係汽水, 我又儲過電話卡, 當初, 真係買得好瘋狂, 不過, 今時今日睇返, 邊度仲有人用電話卡架, 香港電話亭數目都由2003年6000個跌到今年得返1000個. 咁我之前儲落嘅卡都唔荒有人有興趣接貨啦.
所以, 都係儲 " 錢" 最好....
睇返張2000日元真係幾靚, 正面圖案：「守禮之邦」牌坊（在沖繩縣那霸市首里）
背面圖案：左側：源氏物語畫卷・第38帖「金鐘兒」
右下：紫式部（源氏物語的作者）
今次執野最奇怪係唔知點解我會有張500日元紙幣, 真係無印象幾時儲落, 因為我有印象以來500日元都係硬幣, 可能係當時收到覺得特別所以儲底吧...但我真係好似失左憶咁, 完全無左對這張銀紙的記憶.
正面圖案： 岩倉具視 -岩倉是京都人，德川幕府末期至明治初期的政治人物，主張恢復以天皇為主的制度。
Facebook : https://www.facebook.com/hayakutang
