四周年快樂

今日係 2010 年 10 月 9 日 , 星期六 . 各位 109 同期 , 四周年快樂 !!

依四年發生左好多事 , 八星期受訓跟師 , 一落更就做大機 , 細機都未做過就要先挑戰 747 既 Y / CL ( Class ) , 回想當日二百幾客 , 龍尾去到隔離閘口 , 又要檢查証件 , 又要笑臉迎人 , 又要應付身後掃把連珠炮既問題 , 小妹真係手都震埋 !

落更遇到奇怪證件 , 同一隻機竟然係四大惡人 , 問又死 , 唔問仲死 . 被人奚落一番 , 背後講閒話 , 多得有一班好同期才捱得過去 . 想當日掃把同事口中既呀妹 , 今日已經成為眾人口中既師傅 . 時間過得真快 !

三大細機係必做 , 兩架大機係跟 TEAM . 半年剛過去 , 收到通知 Prabation 過唔到 , 原因吉列 ( 炸 ) 病太多 , 被延長兩個月 , 那一刻有多難過 , 多想離開 , 幸得有同期支持 . 兩個月後 , 終於過左試用 , 再加兩 TEAM 大機 , 開始密集式帶新同事 . 小妹只是剛過試用既新人 , 帶新同事實會聽到 Senior 既閒言閒語 , 但一年復一年 , 小妹徒弟滿天下 , 又再捱過了 !

加 Team 講真無難道 , 小妹亦唔再好似以前咁喊住去做機 , 依幾年訓練到百毒不侵 ! 公司要行一國制 , 小妹半迫既情況下到 Landside 學做新同事 , 一年後又再加 3 Team , 真係做到老學到老 . 眼見同期一個一個離開 , 心裡感到孤單 . 小妹唔想 Last Day 無同期跟小妹影合照 , 所以決定離開 ( 一個非常之好既籍口 ! ) 實情朝七晚十有點吃不消 , 小妹係人 , 唔係機械人 .

四年內無數個同事眾會 , 印象深刻當然係一班同期被安排做同一隻機 . 跟同事晚晚做至夜航空 , 再一起坐的士 . 十號強風照返工 , 大家係返工只食左一餐飯既情況下 , 被安排到天國的盡頭照顧一班泡菜人 , 係十多小時無再食過野兼通宵呆坐既情況下 , 係閘口不顧儀態地連食左三個包 , 食飽就係枱底輪流訓覺 . 一起 Standy by 去羅馬 , 等到第三隻機先上到飛機 . 係杜拜行到夜晚都無車返酒店 . 一起 Request 假期去旅行四處玩 . 一起被客鬧 , 一起做到黑臉 , 一起講人壞話 , 再一起被人講返壞話 , 無數個節日係機場過 , 一起係機場酒店狂歡 ... 實在太多太多值得回味既事情發生過 !

在此衷心感情各位好同期 , 好同事這幾年對小妹既愛護及照顧 , 未來既日子請繼續多多關照 ^^ !