意樂餐廳 (多油的蕃茄餐)

人均消費：HKD$41

係沙田食野就愈來愈貴，事關大陸同胞大舉南下shopping，連帶新城市周邊既餐廳都貴晒，宜家想去沙田搵食，最近都要去到禾輋，但禾輋既食肆數量又唔係好多，想搵間抵食既都唔係易事，我之前去過禾輋一間茶餐廳，佢又唔貴，$30有找，但我又點會鍾情於中式野，今日食左間意式野，都幾好。

宜家香港，最出名既意式野，薩莉亞認左第二，無人敢認第一。連荃灣區最多好評既餐廳都係薩莉亞，所以可以大膽講句，意式野都可以好正。話分兩頭，今次食意樂，佢既味道比起薩莉亞更濃，份量更足。

龍蝦湯海鮮天使麵 ($40)

龍蝦湯海鮮天使麵，呢個天使麵，其實D餸一D都唔少，海鮮超足料，面頭一層全部都係海鮮，有青口，有帶子又有蝦。料又足，食左好耐，個麵都仲未食晒，我平時一個人都食唔少野，但食過呢碗天使麵，一碗都好飽。份量夠，仲有，佢個龍蝦湯好濃，龍蝦湯仲有少少蕃茄味都幾正。

煙鴨胸珍珠焗飯 ($41)

焗飯自古就多油，但如果加埋芝士，咁就仲油，呢個我由一開始食，食到底，D油係底都有，如果你真係想食既話，就食湯麵。個湯好好多。


壞：焗飯超油

光顧日期：23 December, 2013

地址 : 沙田禾輋村商場3樓
Openrice : http://www.openrice.com/restaurant/sr2.htm?shopid=50760

我個Facebook 會經常Update，可以Like 埋。 Facebook Link。

============================================

感謝 易風 提供以上資料

易風的網誌: http://yikfung.blogspot.hk/

============================================