十八座狗仔粉 (兒時街頭美食)

人均消費：HKD$25

細細個時周圍搵食都係好閒既事，隨住無左走鬼檔，宜家想食番當年既風味，有時真係要俾多D錢地產霸權洗。以前都係食下魷魚，腸粉，碗仔翅，幫襯D零食店，但宜家個人大左，想回味下就貴好多。

平時行過都覺得十八座都幾貴，話晒成廿蚊一碗野，同以前細個食既有好十差別。今日我個人又唔係好肚餓，同個朋友兩個人Share叫左個大狗仔粉同細火鴨翅，個份量都好飽，可想而知個料都足。十八座佢又用左我好Like 既公雞碗。食落都開心D

今次推介 ─ 火鴨翅($18)


平時街邊食開既碗仔翅，唔足料就周不時都有發生，話晒十元八塊，你都唔會Except佢俾真魚翅你食，只求過下口癮，飲下豆粉水。但十八座佢收得$18，佢又真係俾番多少少既料你。火鴨翅都唔少火鴨，而翅就少左D，但火鴨料係足，飲左半碗我都已經飽左一半。佢又幾野味，可能佢加左少少菜圃落去掛。不過呢個火鴨翅都係好想食碗仔翅先食就Perfect。
狗仔粉 ($29)

因為我同朋友去Share ，所以就叫左個大狗仔粉，粉既Size 就唔洗講都知多，佢既粉既Quality 都幾唔錯，相當有咬口。佢既湯其實都係好咸加上幾濃呆，唔洸再落更多菜圃都夠味。佢係個粉入面加左豬油渣，如果大家平時都有食開油渣麵就知油渣係一樣唔健康但好好食既野，今次既狗仔粉入面都加左DD油渣，令到D粉更滑，仲正，其實兩樣都可取。

如果一個人去食可以叫個細粉加個細翅，咁就好正

光顧日期：7 November, 2013

地址 : 佐敦寧波街27A地下
Openrice : http://www.openrice.com/restaurant/sr2.htm?shopid=137576

============================================

感謝 易風 提供以上資料

易風的網誌: http://yikfung.blogspot.hk/

============================================