忠記粥品 (包脆炸倆)

人均消費：HKD$16

香港人如果有人話你聽佢未食過粥，佢肯定講大話，大家對粥店既要求一定唔會太高，但求足料，唔太咸。連一D咁普通既食店，我都推介〝銖明顯係正野。我遇上一間超正既粥店，呢間座落灣仔集成中心對面，街上行人及巴士不絕，但停步留意一間粥店既人亦不少。已經係晚上8點，大家都拖住疲倦既身軀回家。我就係周圍搵新野食，見間野食客人數不少，入去一試。

今次推介 ─ 炸倆 ($8)



呢間野話晒都係灣仔地段，炸倆都係賣緊$8，一D都唔貴。炸倆係乜就係腸粉包油炸鬼。入面舊油炸鬼既quality先係高手或低手之分。有d舖頭會整定好晒，然後放入蒸櫃，油炸鬼實林。要舊油炸鬼佢脆，有三個要點，即炸即包即食，呢6個字唔係間間做到。今次呢間重點係佢既油炸鬼係堅脆，我食完第一碟之後再叫第二碟都係脆。好明顯佢即炸即整即包。

可以做到即炸即包即食，都要有流轉量高配合，師傅先可以即炸即包，客人又要即食。咁先正，我都留意左呢間野一陣，佢星期一至四晚上7:00~8:00勁多客。如果想食脆炸倆就睇時間。

我最後食左兩碟，因為真係好好食。咁就用左$16，就有無比快樂。

光顧日期：10 September, 2013
地址 : 灣仔軒尼詩道275-285號立興大廈E鋪
Openrice : http://www.openrice.com/restaurant/sr2.htm?shopid=81354

============================================

感謝 易風 提供以上資料

易風的網誌: http://yikfung.blogspot.hk/

============================================