人均消費：HKD$78
大坑係一個好多好野食既地方就唔洗多講，想食好野，入黎大坑走一轉，你可能搵到更多好食既一餐，出名又好食既拉麵都有幾間。拉麵來就俾小儀佢地推介過之後已經無之前咁好食。今次去食左間好食拉麵叫BB拉麵，其實佢都未有招牌，但位於京街。店舖內的裝修都係全新。食個拉麵都唔係好貴，$90有找。豚王拉麵既前師傅兼大里先生就係呢度自己開舖。質素媲美豚王。
呢間個特色係佢有粗麵同幼麵兩款你揀。我同朋友每人一碗互Share，所以食晒兩種口味，從而得知佢豬軟骨同叉燒都好好食。
豬軟骨豚骨湯粗拉麵 ($78)
佢Design 都幾有風味頭頂放住好多即食麵，仲有好多獨有既擺設，好似↓圖的左上方有千客萬來之大字。呢d都可能係吸客既擺設。你入到去都會feel 到與其他拉麵舖係唔同。
佢有提供日文同英文兩款Menu，你可以自行因應自己既口味而作出更改。
湯：豬骨湯或豬+魚湯
油：豬油、黑蒜油、紅椒油、蝦油或是日香油
濃：輕、正常或重
肉：豬軟骨或叉燒
辣：唔辣、1辣、2辣、3辣、4辣或5辣
麵：粗麵或幼麵
質：超硬、硬、正常、軟或超軟
個人推介，豬骨湯 / 豬油(少) / 正常濃 / 豬軟骨 / 唔辣 / 幼麵 / 硬
呢個係豬骨湯 / 豬油 / 正常濃 / 豬軟骨 / 唔辣 / 粗麵 / 軟
先講豬油，想食野唔黏口，最好就係加油，豬油最好加少少，如果唔係就唔係好滑。
再講粗麵vs軟，因為粗麵經過煮既過程，佢又唔會好林，最好就係配上軟身既麵，咁就唔洗食得咁辛苦。
佢個豬軟骨既骨係超腍，但又唔會無質感。出面食既腍豬軟骨，可能係因為煮到太腍，包括肉及骨都好腍，但呢間就唔同，佢個豬軟骨既肉係有肉感，唔係100%腍，只有70%腍，而軟骨就真係好腍，你食過之後都唔係咁易搵到間更正斗。
叉燒豚骨湯黑蒜油幼拉麵 ($78)
呢間野有既款式都唔少，配上黑蒜油就更野味，因為蒜香味比起普遍豬油味更豐富，如果配上幼麵食，其實每條麵都沾滿左黑蒜味。
瘦叉燒，其實佢夠膽用得瘦叉就知勁，事關大部分拉麵舖都會用半肥瘦叉甚至肥叉，等你食到成口都係油，更滑。但呢間既瘦叉都可以做到好滑係因為師傅刀功切薄片。食落超正。
如果兩個朋友一齊去Share 兩款食就Perfect，去一次就可以試晒佢既特色。
好：拉麵既食法又多幾款，仲要一間有齊粗幼麵
壞：佢既油係一定要你加，如果無埋會仲健康
光顧日期：9 September, 2013
地址 : 大坑京街3號地下
Openrice : 尚未提供(9月6日開業)
============================================
感謝 易風 提供以上資料
易風的網誌: http://yikfung.blogspot.hk/
============================================
