佐敦咖哩屋 (細食人士之咖喱屋)

人均消費：HKD$64

成日聽人講話食咖喱就要去重慶大廈或旺角咖喱。但我死都唔信大路人所講。係都要搵間有特色小店，上openrice search 過一間開業多年既咖喱屋，諗住無死錯人，點知都係中招。今次同左個朋友去試呢間係佐敦吳松街叫佐敦咖哩屋，入面都係印度人打理，睇落好似好有風味，咁我就一試。

佢一黎就係咁Hard Sell 佢個Promotion Menu，有好多平野咁，仲要唔加一。講到好有良心咁，但我呢D窮人，佢個二人餐要成$160，我又覺得貴左少少，咁叫佢俾個正常Menu黎睇，你唔問佢都唔拎個單人餐Menu 出黎。唔睇尢自可，一睇就把幾火。一個單人餐都係$62。咁我就Compare下佢有乜Special ，原來只係多左個小食。哈。我即時叫兩個餐就算。

佢就上左個薄脆

咖喱牛脷 ($62)

我等左好耐終於有得食，跟住我諗住數下佢有幾粒牛脷，數極都係得4粒。唔係馬，收我$62，你俾得4粒牛脷我。我當場想即刻走人，但無謂打BLOG 打到上警局。唯有等埋個咖喱豬，佢都係得4塊仔。好。

講下佢個咖喱先，一般野，又唔係好Special，又唔係好辣，又唔算好香口，佢係同港式或泰式咖喱有分別，如果你食得港式咖喱太多，呢個咖喱都算有新口味。

講下D牛脷，佢一D都唔入味，好明顯佢牛脷還牛脷整，咖喱還咖喱整。有客人叫佢先Mix 埋一齊。牛脷又唔腍。我都好耐未試過一餐有咁多唔好既野一次過發生晒。


呢個係具有印度特色既薄餅

個飯既Size 係正常，食完你唔會覺得十分飽，因為佢預左你撈汁食飯，但你唔好Expect 佢有好多肉食，可能印度人唔興食肉啦。

食後我發覺自己變左一條水魚，$127埋單，佢又可以繼續做落去，恭喜佢。食完呢餐後，我同朋友再食多左個老麥$21餐先返屋企。抵唔抵就見人見智，份量細，死蠢既事我唔會一食再食。

壞：份量太細

光顧日期：4 September, 2013

地址 : 佐敦吳松街47號地下
Openrice : http://www.openrice.com/restaurant/sr2.htm?shopid=9938

============================================

感謝 易風 提供以上資料

易風的網誌: http://yikfung.blogspot.hk/

============================================