美利堅京菜 (America 人去既地方)

人均消費：HKD$105

呢間野，都係因為母親節，咁家人就話想食下呢間。預先Book 左檯，一去到，門口有個牌寫住你貴姓。係地下定一樓，連約朋友呢點都諗埋。出名野有好多，包括門口成日都有性感女郎。京菜為主片皮鴨，口撕雞。

山東燒雞 ─ 手撕雞既好處就係王啱晒我呢d懶人，唔洗妹骨，咁已經好正。再加上隻雞既雞肉又唔柴皮，又滑。佢仲有個豉油汁+蒜蓉，咁又係惹味啦。你望落去好似好大隻，但幾個人一齊食，好快KO 晒成隻。

鐵板蔥爆牛肉蔥爆牛肉 ─ 有兩款，佢仲問我地要碟上定鐵板上，咁問佢就話分別在於鐵板熱d同d汁會係客人面前灑。咁我揀左鐵板，鐵板已經加熱左同京蔥，d牛已經熟，個Waiter 就係係面前，以純熟既手法灑上調味汁快手兜兩兜。等一陣，牛肉吸收左d蔥同汁既味，令肉質更香更濃。


賽磅蟹 ─ 一般都係用蛋白+蟹肉。講就容易，個蛋白整得好滑先係精髓所在。呢個賽磅蟹既蛋真係超級滑溜，師傅應記一功。有d酒樓可以提供蛋黃，咁會令賽磅蟹更加滑溜。講番呢間先，因為禽流感，所以佢提供蛋黃。但都已經好滑。

菜肉雲吞

菜肉雲吞 ─ 用菜絲，肉絲黎整，清清地。咁就可以消一消口中既蒜同蔥味。個湯底先正，超清超純。

蒸水餃 ─ 一個字，寡。

蔥油餅 ─ 就油左少少，我阿媽點名話食，但我就唔係好Like。

好：做Service
壞：油

光顧日期：12 May, 2013

地址 : 灣仔駱克道20號地下
Openrice : http://www.openrice.com/restaurant/sr2.htm?shopid=62

============================================

感謝 易風 提供以上資料

易風的網誌: http://yikfung.blogspot.hk/

============================================