人均消費：HKD$72
revised 8-Dec-2013. 恭喜拉麵Jo榮登2014米芝蓮推介食肆，相信大家之後去食都要排下隊
加路連山道，好多香港球迷都會行過既一條街，但大家可以會幫襯過街口既丹麥餅店食豬扒包，我今次就search過，呢頭都仲有一間叫"拉麵Jo "既日式拉麵。如果你想食好味既拉麵，呢間一定會係你新既選擇。事關，佢既拉麵一定係tune過，幾arm 香港人口味。(因為日本拉麵係比較油膩，但佢又唔係好油膩，仲唔係Tune 過就香港人既口味)
拉麵Jo豚骨湯叉燒拉麵 ($72)
間舖唔係好大間，一眼就見晒，d staff 都可以好快咁落單同serve 你。但始終係半個日本人打理，所以有d都幾日本feel。收銀係日本生活過既香港人，師傅清一式都係日本人。
你一入去個Waiter 就會俾張Menu，話你聽有乜食。好似一碗豚骨湯叉燒拉麵有d乜材料都會寫晒出黎，如幼麵、叉燒、木耳、竹筍、椰菜。你可以揀個麵身 (超硬/硬/普通) & 蔥 (要/不要)。如果你個麵身係硬或普通，佢會煮1.5分鐘至2分鐘。你係可以見到佢點煮法。
呢間野野既各方面都做得好。首先講個碗，佢會用滾水熱住個碗，咁你拉麵時，d熱無咁易散。Really 細心。再講個湯，日本傳統拉麵係比較油膩，但呢間野又唔係好油膩，我accept到，仲要好濃豬骨味，每食一啖麵都充滿左豬骨湯的濃香味。再講舊豚肉，佢半肥半瘦既豬腩肉，外層係肥，仿為香港人，有時都未必會食晒d肥肉。但呢間野既比例好好。唔會太多。
今次推介 ─ 豚骨湯叉燒拉麵
好：佢真係好細心，用日本既濃豬骨拉麵，調配適合香港人既口味
講左咁耐，我係一定會encall 呢間。
光顧日期：10 December, 2012
地址 : 銅鑼灣加路連山道3號地下
Openrice :
http://www.openrice.com/restaurant/sr2.htm?shopid=111602
============================================
感謝 易風 提供以上資料
易風的網誌: http://yikfung.blogspot.hk/
============================================
