Sandy： 師姐，我要排隻舞參加比賽呀，你有乜頭緒呀？
師姐： 唏，Sandy，你真係問人喇，不如我講土家族ge擺手舞你聽呀。
Sandy： 好呀，師姐，希望可以刺激一下靈感啦。
師姐： 擺手舞土家族係好有代表性ge，土家語叫「舍巴日」，拜祭祖先、過年Li D佳節都好常見ge，係一種群眾性舞蹈尼。
Sandy： 敢Li種舞多唔多見？
師姐： 多數會正月初三到到十五期間跳，一係就三月暮春時分。擺手舞歷史好悠久嫁喇，可以追溯到周武王伐紂時期。
Sandy： 講咁耐呀，隻舞點跳？
師姐： 擺手舞有「大擺手」同「小擺手」兩種。大ge主要用祭祀，一年或者五年跳一次，多數都戶外度跳；小ge一般ge喜慶活動都用，多數室內跳，幾十個人跳又得，幾百個都得。至於實際ge跳法，聽日再詳細D講啦！
師姐： 擺手舞基本動作有單擺同雙擺。跳ge時候搵個人中間敲鑼打鼓，跳得熟D個帶頭，個個圍住個圈跳。主要動作係雙手隨住一個方向擺，個身跟住左右扭動行。
Sandy： 其實擺手舞同其他民間舞蹈形式有乜唔同？
師姐： 擺手舞最大ge特點係肢體同一方向郁，左手左腳，右手右腳，不過手臂手腕就唔郁ge，兩隻手係直擺ge，幅度都好細。
Sandy： 除手部動作，仲有邊度要注意？
師姐： 腳部整個動作都係屈膝同下跪。擺手舞氣勢粗獷，動作古樸得又穩健，原始氣息好濃郁。
Sandy： 擺手舞ge舞蹈內容顯示乜？
師姐： 佢有時表現飛禽走獸，有時表現播種呀、紡織呀敢啦，內容好豐富。
Sandy： 師姐，好多謝你，講咁多擺手舞資料我聽。
師姐： 不如我再補充下啦，等你多D靈感排新舞呀嘛。
Sandy： 師姐不愧為師姐，舞蹈閱歷真係好深呀？
師姐： 位於湖北省有個「擺手之鄉」。成村170戶，有成600幾人都係土家族人，其中百分之九十以上都係姓彭。
Sandy： 點解敢ge？
師姐： 佢都係唐朝末年搬到果便ge姓彭ge後代，佢世代務農，民風淳樸，不沾賭毒ge，只好擺手舞。佢有個擺手堂呀，起碼有成500年歷史，亦現存最早ge擺手堂之一。
Sandy： 敢Li個擺手堂都好有歷史價值喎。
師姐： 當地人仲叫佢做「神州第一擺手堂」。咦，你做緊乜呀？唔洗向我下跪喎！
Sandy： 我有D靈感，想模擬一下擺手舞ge動作咋！
============================================
感謝 澳門安祖利 提供以上資料
澳門安祖利的網誌: http://andrewleifood.blogspot.hk/
============================================
