0

壯族的新年節日

澳門安祖利 於 2002-05-30 00:00:00 發表  |  累積瀏覽 443

分類:
 第一篇

男:        hey 好耐冇見la,新年果陣冇假咩?

女:        冇呀,邊度有假放呀!

男:        有個民族就有喇?如果你係壯族人,咁就有好多節目玩喇。

女:        你講邊樹民族呀?講尼聽下啦!

男:        係壯族,強壯ge壯呀,佢地過農曆新年牙,係要停工休息,仲要湯豬祭祖添。

女:        可唔可以詳細D講呀?

男:        好呀,先講氣氛呀,新年果陣佢地會開臺做戲,抬住土地公巡遊,咁做係希望可以驅除鬼怪,保佑人畜平安同埋五榖豐登。

女:        場面一定好熱鬧喇,仲有乜活動呀?

男:    年初一果陣,佢地要去泉水度或者河邊度打水返屋企,錦樣叫「汲新水」喎。

女:        如果靈驗就好lor,吸納多D薪水,荷包腫脹lor

男:        咪咁市儈la,新年呀嘛,意頭黎ge。聽日再講多D新年野你知啦!

第二篇

男:        尋日就講左壯族人點過年初一呀,係咪仲想知多D呢?

女:        梗係,快D講啦!

男:        拿,年初二,澳門人都開年啟市啦,但係壯族人就習慣果日去外母度拜年個喎。仲有呀,佢地都興包粽。

女:         包粽!乜唔係端午節至有ge咩?

男:        我諗就係囉,佢地新年包咕D就緊要囉。連包粽ge葉都係自己ge特產呢。粽入面有十斤糯米,兩斤豬肉同埋三斤綠豆,喺隻大鐵鍋度煮三日三夜,愛黎除夕果晚祭祖用ge。

女:       咁咪好哂?

男:        咁又唔會,佢地成家人會留到初三或者初八果日整番熱尼食ge。不過,我睇你實食唔哂啦!

女:        米那,我咁怕肥,少食為妙lu

男:        壯族有個地方過年都幾特別架,聽日講你聽呀。

女:        好呀,聽日見。


 第三篇

女:        你咪話壯族有個地方幾特別ge,邊度黎ga

男:        好記性呀。我要講ge就係靖西縣喇,年卅晚除左準備拜祖先之外,佢地通常都會掛一幅壯錦,同埋喺屋入面燒一舊木頭。

女:        玩火好危險果喎。

男:        你個頭就玩火。Li個係儀式尼ge,要燒到第二日都未燒得晒為止,意思煙火不斷,即係子孫不斷囉。

女:         嘩!年卅晚都咁特別,咁年初一點ga?

男:         年初一就到班女仔威啦,果日等到雞啼聲之後,壯族姑娘就會裸住支火把,拎埋個桶去到井邊或者泉水度,想話打新水返屋企喎。有D仲為左吉利要爭打第一桶水添。有D就會輪流數星星。

女:        天光囉,仲有星星數?

男:        咪就係趁果陣睇邊個眼利囉,到到正式天光,剩低最後一粒星果時,佢地班姑娘先至開始飲新水咋,仲一路飲一路唱添,都不知幾寫意。


============================================

感謝 澳門安祖利 提供以上資料

澳門安祖利的網誌: http://andrewleifood.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

59
澳門美食
91
民族小故事
3
香港遊
顯示更多

累積瀏覽 121485

全部攻略 282

全部回應 323