囍 DIY ♥ 幸福的MONCHHICHI花環

其實我個婚禮都有好多作品自己DIY

不過得返6個月唔知仲趕唔趕到整埋手花襟花等等

呢個 “幸福的MONCHHICHI花環" 用左一晚就整好, 都幾簡單

(當然唔少得我地個結婚公仔MONCHHICHI啦)

呢對公仔買左$200好唔捨得咁用熱溶膠槍貼上去 T.T 撕唔返落黎

結婚果日又係會放係接待處作擺設, 結婚後就會放係屋企門口

出門口或者返屋企都會見到, 真係好幸福哩! 嘻嘻!

呢個製成品唔記得一路做一路影相, 以下既相片係淘寶站找的

首先要搵一個發泡膠花環做底

揀岩自己想用既碎布顏色花紋, 可以一條咁圍住繞, 記住頭尾用熱溶膠槍固定

我除左用布亦都用左冷線繞成做 PATTERN

咁樣已經做得7788只係爭裝飾

裝飾我用左英文字母, 砌左句 JUST MARRIED 同埋加埋我地既大婚日期

最後加左D絲花做裝飾, 加埋絲帶吊住, 完成!

漂亮嘛!??! ^0^ 獨一無二既花環誕生了!