預祝母親節 @ 北京老家

又到一年一度母親節

因為我二妹正日都係同奶奶過,所以我地一家就會同媽咪預祝咗先啦

地點由二妹介紹既北京老家

地點係尖沙咀堪富利士道

準時到達門口

原來係一間幾舊既商業大廈入面既

佢有兩層,入到去,裝修好誇張

成個門面花碌碌咁

都係中國風既富貴式裝修

但因為地方唔大,得幾張枱

樓底又矮,所以我又唔覺得佢係好高級個隻

 

 

 

 

 

座底枱面有缸金魚

小朋友睇到會幾開心既..

跟住佢地拎左啲茶尼

一飲..係麥茶..但..好似炒得過左火,有小小燶味..

 

 

 

跟住開始叫野食

未人齊,叫住兩碟涼菜先

睇睇菜單,啲涼菜都幾貴,大約80-100

尼到仲要唔係好大碟咋喎..

 

黑醋海蜇,味道都OK,夠爽口

 

 

老公點左個醬牛肉,無乜味道...

 

 

醉雞,味道一般有小小辣味,好似唔係太夾..

 

 

跟住到主菜喇...

全晚最好味既一道..柚子魚,個柚子汁幾好味呢

 

 

北京填鴨,普普通通,不過不失咁啦

 

 

上湯地瓜苗,依個唔錯,幾清爽

 

 

蒜泥白肉,面既醬汁太誇啦,同埋好辣,我食唔到呢...

 

唔知乜野豆腐,我無食呀,我唔中意食豆腐既...keke

 

家常餅,無食到,悠悠食左兩件,應該都唔錯既

 

 

 

因為有人遲尼,最後佢叫左個餃子同擔擔麵,我都無食,仲唔記得影相添...

 

仲有甜品 :

 

芝麻糖餅,入面係麻蓉,有啲苦味,食淨左一半...

 

拔絲士多啤梨,悠悠好中意,不過我覺得都係拔絲香蕉同地瓜好味啲..keke

 

豆沙窩餅,個餅厚身左小小,都可以接受既

 

食飽埋單,七個大人,六人比錢,位位320蚊

以依個食物質數同環境尼計,實在係貴左啲

服務質數基本上叫無乜,態度唔錯,但都唔叫好

所以我地都認為依一餐係絶對 不物超所值既,無下次~~~