2010年廣東3日2夜勁食之旅-day3市橋編

終於好快咁到了今次行程的最後一日，我地呢日亦係訓得最耐的，我先黎個熱身飲杯蒙牛紅棗酸牛奶.

蒙牛紅棗酸牛奶:紅棗味非常之香，所以蓋過晒d酸味，食起黎都幾滑下，價錢大概$1蚊杯

之後我們搭車出市橋飲午茶，聽人講梅峰茶樓係呢度最出名的茶樓，我地一於慢慢一路行一路問人打聽下啦，終於出了一條路線圖.

首先望住番禺賓館在左手邊一直走落去，我就在對面的易發街行落去的

途中一定見到呢個大型行人天橋的

中途又會望到番禺市橋總站車站，呢度可以搭車到好多景點的......繼續行落去

行到直至見到呢個大型廣告牌，就在呢個建築物樓下轉去右邊行上去

途經見到這家店有得食狗肉架......

直接行到富華東路82號就到達，這間梅峰茶樓真係大得好誇張架，裡面還要坐滿晒人

我們坐低就點了碧螺春芽、燒水鴨仔一隻、茶香雞半隻、糖醋豬腳薑、鮑汁鳳爪、七彩銀針粉、特色炒米粉、柱候蒸排骨、梅峰蝦餃皇、富士雪山包、傳統鮮肉包、冬菜牛肉腸、原味西洋菜，埋單$241蚊，真係勁抵食啊.

我們點了碧螺春芽

茶既選擇都多得好厲害

點心選擇都唔少架

初初見到好得意，點解隻鴨會細得咁緊要既？原來係小鴨仔

燒水鴨仔:呢隻水鴨仔真係皮薄肉嫩，皮夠脆味夠香，細細隻好快就食清光

糖醋豬腳薑:滷得咁深色就知有幾入味啦，特別係隻蛋啊，個皮好似台灣鐵蛋一樣咁......

傳統鮮肉包:普普通通

富士雪山包:個包好似炳勝的菠蘿包，呢個都好味，個餡係蕃薯蓉，都幾香架

梅峰蝦餃皇:蝦餃又係大大隻，裡面隻蝦夠鮮味

冬菜牛肉腸:牛肉餡幾咁飽滿，腸粉都幾滑

七彩銀針粉:雖然都係油左少少，但無論味道及口感都係好好的，銀針粉滑得黎又煙韌

特色炒米粉:米粉好幼有點似新竹米粉，但就無咁彈性，但材料豐富，食起來特別香

柱候蒸排骨:柱候醬唔會太咸，d排骨入晒味啊

茶香雞:味道有淡淡的茶味，皮又脆，但胸部位燒得有些過左火

鮑汁鳳爪:炆得夠晒入味，鳳爪有咬口我鐘意

原味西洋菜:唔知點解內地的菜特別濃些的，西洋菜好脆又無渣

在市橋玩了大半日後，我們就坐車返碧桂園收拾行李，然後出發去桂園食晚飯，我們坐低就點了川貝龍利葉燉鷓鴣湯、古法清蒸野生桂花魚、白切雞、乳豬、果皮蒸鮑魚仔、椒鹽生焗魚頭煲、滷水鵝翼、蒜蓉炒生菜，埋單$318蚊.

川貝龍利葉燉鷓鴣湯:呢幾日在內地吸左唔少塵埃，加上喉嚨有點唔舒服，飲呢個湯潤下個肺真係0岩晒啊

乳豬:好脆皮的乳豬仔，肉又嫩，正正正

古法清蒸野生桂花魚:香港的桂花魚我極少食架，一陣臭泥味，但內地的桂花魚就唔同，比香港大條好多、雪白、肉厚，當然價錢都貴d的，古法蒸適合我地d懶人，啖啖肉、骨又少，鮮味呢

白切雞:食了幾次雞，呢度係最對版的，雞味十足、同又嫩滑

果皮蒸鮑魚仔:呢隻鮑魚唔算細隻架，十三蚊一隻幾抵食，咬落非常之腍，個個都贊好

椒鹽生焗魚頭煲:我們叫了例牌，點知黎到都好大煲下，一開蓋就聞到香噴噴的酒香味，魚頭蒸的時間剛剛好，魚頭一點都唔腥，好野

滷水鵝翼:唔算差、唔算好，起碼肉夠嫩、滷水汁夠味唔會咸

蒜蓉炒生菜:今次強烈要求極少油，碟菜黎到都算接受既

以下係碧桂園花絮