2010年沙巴11天勁食勁歎勁好玩之旅-day1

今日一早起身搭西鐵去柯士甸站,然後行去圓方裡面的中港通車站,我們之前在7仔買了單程車票去深圳寶安機場,價錢$100蚊.

我們九點半開車,大概十一點就到達,然後在D區裡面辦登機手續,不過深圳機場真係檢查得幾嚴.

之後去了餐廳食下野,我們點了揚州炒飯、三絲炒麵、海鮮炒飯,埋單$214蚊,都很貴又唔好味.

三絲炒麵:麵炒得求其又唔香，米粉好似隔左幾日咁......

海鮮炒飯:呢個還可以，不過就好事油好事油

揚州炒飯:同海鮮飯一樣......

之後我們算準時地在1點半就起飛

大概4點10分就到達KK

而完美假期的車亦在門囗等我們,第一站先去新店的富源食麵包及拉茶,不過舊店的質素比新店好

kaya麵包:新鮮的kaya真係特別好味的

kaya西多:這個西多真係非常之脈，好食過麵包果種

拉茶:呢間的拉茶在KK算係數一數二好飲的，但d冰就越黎超多......

第二站就去LIKAS SQUARE酒店辦理手續，途中見到對面有山火，因為KK成個月都未落過兩喇，所以天氣真係熱得好緊要

,第三站就去了找換店唱錢後就去了海王城食晚飯,相比幾年前的海王城,現在裝修得又大又靚,我們點了清蒸石頭魚、奶油老虎蝦X8、白灼跳螺、蒜蓉蒸象拔蚌、蒜蓉炒芥蘭、蒜蓉炒菜心、招牌豆腐、咸菜海鮮豆腐湯、埋單RM$545蚊

醃木瓜:這間的木瓜醃得很好，味道唔會太過醃，木瓜好爽口又醒胃

蝦片:好脆脆呢

桔仔冰:等了一年終於又再相遇喇，飲一杯又點會夠啊？

攪醉桔仔冰:呢個係師兄最愛的，因為會把桔仔攪碎晒的，所以會比較酸的

白灼跳螺:跳螺好大隻，連d肉都好大條，d鮮味搶住彈出黎啊

蒜蓉炒芥蘭:賣相唔似係芥蘭，但味道就好似

蒜蓉炒菜心:菜心好甜又無渣

清蒸石頭魚:這裡的石頭魚比較細條，所以肉質都很一般，有點失望

蒜蓉蒸象拔蚌仔:象拔蚌仔蒸得剛剛好，又嫩又鮮甜，啖啖肉食得好痛快

招牌豆腐:裡面主要有雞肉，但我唔太欣賞

咸菜海鮮豆腐湯:一睇到咁新鮮的材料都知啖湯一定唔差得去邊啦，d咸菜好爽口下，咁熱既天氣飲呢種湯最好的

奶油老虎蝦:d汁做得幾好，拿來撈飯超好味的，蝦又好彈性

然後去了超市買些日用品,這間店開到晚上11點半的,離巿中心大概5分鐘車程

之後大家回酒店休息一下,到了10點半我們4個人出發去The Place宵夜,其餘3個朋友因為太累所以唔去,我們去到就點了炸魚、牛骨湯、什菜讓尤魚筒、海鮮炒冬粉、芒果奶式、今次食完後發覺差了很多,所以唔會再去了,跟住就回酒店休息.

炸魚:外脆肉嫩，但淡水魚都有一點泥味，所以一定要點豉油黎食

芒果奶式:依然好濃芒果味，正啊

牛骨湯:超級大退步及失望，牛味超淡又多油，睇黎呢次係我最後一次幫襯了

什菜讓尤魚筒:尤魚好厚肉又唔會太干，但我唔喜歡裡面有很多薑粒，味道都幾辣下

海鮮炒冬粉:味道炒得好好，呢碟最好味