我家的沖繩之旅~~第一回

一大早,7:25飛機,4點幾起身..真係眼瞓到爆....

唔夠瞓,悠悠都臉腫腫,但心情卻一流...

上到機想話大瞓,但我座係到又確實瞓唔著既

香港航空只有一個包,我知道~~無期望過

不過佢架機又幾平穩,只係悠悠有嗌耳仔痛呢..

兩個鐘就可以落機,都算幾快呢

到左沖繩,等左好耐先拎到行李,

一出去就見到租車公司既人,集齊人後就座佢地既shuttle bus去攞車

去到租車公司,男士去辦手續,朋友太太去買定啲門票

我同悠悠行行企企,睇下啲旅遊介紹啦

拎左車後,大家係車上研究一番,話晒日本既車,真係好鬼先進架嘛

跟住第一站就係去漁市場醫肚

今次同行兩夫婦都係做導遊既,所以搵食無難度

依到既海產真係好好食

連悠悠都可以大解放咁食左好幾件

食飽飽就出發去酒店

第一晚住沙灘酒店

到步後,老公同朋友們去搵野玩

我同悠悠返房瞓晏覺

佢地最後去左踩電動單車

老公返尼後,我地就去左酒店既玻璃教堂影影相

今日我大傷風,帶尼既藥都食晒,又搵唔到藥店

跟住老公車我地出去搵到間便利店,但原來都無藥買..

但買到包煙花...

好彩朋友有藥啫....

跟住酒店有啲小手工玩吓

我就同悠悠係到玩

老公都要返上房充充電..

之後就齊齊係酒店食buffet晚餐

不過個buffet地方好細,無乜野食既,所以無影相了...

晚餐後就出去放煙花啦

悠悠第一次放煙花,玩得超興奮呢

朋友話玩煙花寫字影相

不過部機我唔係好識攪...

影出尼唔見晒啲人~~~~

旅行第一日,悠悠超開心

夜晚瞓著左都係到笑呢

見佢咁開心,真係好值得!!!