跟好友們至少都會每月一聚，聚埋一齊除左血拼
大家都喜歡試下唔同既菜式：）
早前試過觀塘APM既王家沙都唔錯，不過黃埔店就...
得知旺角新世紀新開，而裝潢有別於以往較酒樓式設計
旺角店就比較時尚及符合潮流啦~
整個感覺簡直煥然一新，枱與枱之間也相當寬趟,就決定一試!
我地一共點左五款涼菜:
醉嘉美雞, 四喜烤麩, 蒜泥白肉卷，三絲粉皮和蒜蓉拍青瓜
每一款都合曬胃口，尤其蒜蓉拍青瓜，相當醒胃
Rossana就最喜歡四喜烤麩：）
所謂四喜，即是木耳、冬姑、筍和金針
而烤麩就係麵筋，咬落好有彈性，味道恰到好處
真係食到唔停得口呀~
以涼菜打開胃口後再來4款點心:
蘇式鮮肉小籠包,紅油抄手,鮮肉生煎包,牛肉餅
要特別一讚的是牛肉餅
真係名符其實的皮薄餡靚
外皮脆脆的但完全不油膩,紙上一滴油都無,
一啖咬落去...牛肉汁滿溢...勁正!
半舊牛肉餅放於紙上，流出的卻是牛肉汁耶
我們邊食邊講又邊笑,係時間飲返杯野
菊花蜜潤肺解渇之選．
小菜方面有乾煎小黃魚,上海話梅骨,清炒河蝦仁,
豆板時蔬和鮮茄時蔬 ~
Rossana一向都唔食魚的,所以覺得有丁點兒腥,
不過友人卻說香脆唔腥好好味,仲自己一個KO左一整條 XD
上海話梅骨必叫!!
小排骨咬落還充滿肉汁嫩滑富彈性
話梅醬酸酸甜甜的,的確醒胃而滿足!!
用黎送飯食簡直一流~
小菜當然要配飯麵
嫩雞煨麵,上海炒飯,王家沙擔擔麵和上海粗炒
Rossana就比較喜歡上海炒飯,炒得粒粒分明
以青菜,雞蛋,雞粒炒成,like它完全不油膩,鬆軟好吃
最後以高力豆沙,薑汁鴛鴦湯丸和豆沙窩餅結尾
對~~雖然已經飽到上心口,但甜品有另一個胃啦 XD
Rossana勁喜歡豆沙窩餅,所以叫左兩碟hehehe
一碟外皮炸得金黃,另一碟賣相就窿左少少~
不過啖落香而脆口,再嚐到啖啖香滑起沙既豆沙!!
豆沙多到流曬出黎喔,超好味~
大家都食到捧住個肚又笑到標曬眼水,真係開心又滿足
旺角王家沙除左食物較有水準,就連服務都一流
其間侍應會主動換碟,又不停加茶,真係值得再黎~
王家沙 Wang Jia Sha (Apm店)
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)