育肉日記~~大雨潮濕天~~

尼排個天氣真係唔多好~~

唔係落大雨就100%濕度!!!!

除左人唔多爽之外...我最擔心就係我d肉肉(多肉植物)!!!

肉肉就最快濕、水、無太陽..........omg!!! 已經好2個星期天陰陰la!!!

襯星期六未有雨落o既時間去關心下我d肉肉朋友先!!!

回顧下剛剛搬家時的樣子...

再報告下一個月後....

個個都明顯高大r!!!!

太好la!!落左咁多人雨, 佢都係室外ga~~好在唔係飲左好多水ja~~

個個都好精神!!!! LUCKY!!!!!!!!!!

好la!!難得天氣咁好(其實只係未落出雨, 已經開始有微微雨la!!!!)

同大家影返個特寫先!!!

no. 1 : 最上層個o個 生石花 ~ 佢係最難種o既一個!!要極旱先得!!

仲會無lala就成粒溶左ga!!本身買左3粒,而家死剩1粒ja!!!!!鳴~~鳴~~~

要等佢種出花來...都真係唔知要幾多年先得!!

no. 2 : 下層左邊個o個 鹿角 ~ 佢同生石花都係r!! 又係會無lala溶左ga!!

初初種種下佢死下死下咁....好在,而家佢已經習慣左尼到o既生活!愈生愈高!!

佢都係要少水!!!

no. 3 : 下層中間個o個 錦晃星 ~ 佢係比較易種o既!! 有時落多左水,佢都唔會好易就浸死o既!!

每一塊葉掉左落尼..好易就出芽, 又可以種多盆la!!

好適合初種者!!無咁易死無咁傷!!!

no. 4 : 下層右邊個o個 雷童 ~ 佢都好怕水ga!!! 因為佢個質地本身就皮比較簿, 而且又多水!

同佢搬屋時、浸水時..都要好小心, 唔好撞到佢~~如果唔係佢又係好易死畀你睇!

好多肉肉葉已經發芽有bb出尼la!!!!!

每一次肉肉搬家、或時不時佢都會掉1,2塊葉落尼o既...

尼個時候就要留返d葉la!!!

放係一層干o既泥上面, 等返3,4個星期, 就會開始有根出尼, 就後就有一小點o既肉肉芽la!!!

記得發芽o既時候唔洗澆水ga!! 愈干爽愈好!!

而且仲唔可以心急.....其實根本就無得急!!

好la....係時候介紹下肉肉bb先!!!

no. 5 : 上層左邊個o個 黑王子 ~ 佢都唔易發芽ga!!

本身有幾塊葉一齊等出芽ga, 但等左成個月...有d死左..就得返尼個生出芽, 而家仲大左咁多r!!!

真係開心死我la!!! 感動r!!!!

no. 6 : 右邊個o個 石蓮 ~ 其實我都唔係好肯定佢係未叫做石蓮, 因為係台中買返尼ga~又無寫名wo~~

如果有邊位多肉達人係到, 請指教!!!!

佢o既芽已經有粉紅色....太得意la!!! 2個都發芽發得好好r!!! 加油la!!!

no. 7 : 下層左邊有毛毛個o個 月兔耳 ~ 尼個就利害la!!!!! 佢已經係我屋企住左都10年la!!!

佢係hsiu媽唔知幾時買返尼ga!!真係細細個就睇住佢大la!!

佢o既成長好奇怪, 初初個時成日都死下死下ga~~但唔知幾時開始佢又生得好好地la wo!

月兔耳媽仲生得好強壯!!仲有樹幹ga!!下次有時間再影畀大家睇!!!

佢真係極易種!! 而且仲用葉發芽o既成功率有成90%!!!!

好幾年前, 當時仲未知尼棵野叫多肉植物, 又唔知點種wo!

月兔耳媽好易就掉葉ga! 我地就放左係個盆到由佢, 點知佢又識得發芽wo!!利害!!


no. 8 : 右邊個o個 檳榔 ~ 尼個都係上次台中帶返尼hk ga! 佢又生得幾好wo!!唔知可以種到幾時呢?!

no. 9 : 左邊個o個 魯氏石蓮 ~ 其實都唔知係未尼個名, 我都係上網睇寶鑑, 似係尼個樣!!!

尼個之前都已經之前已經介紹過, 佢係來自中環的平價肉肉!! 由於買返尼個時, 個盆同個泥係分開左ga!

所以就帶左佢返屋企攪攪佢~~佢而家都生活得幾好r!! 遲d帶佢返中環捱下世界先!!haha~

~~同場加影~~

新年蝴蝶蘭 ~ 佢係好似上上年新年買ga!! 次次新年買個d開完花就死左la~

個次佢無晒花之後, 見佢d葉仲綠左好耐wo~咁未由佢放係到low!

點知種下種下....其實都無咩理佢, 都係記得就澆下水, 又無落花肥, 之後仲放埋一邊, 佢又晒到太陽o既地方la

佢d根又愈生愈多wo~好似好健康咁~

由上年開始..我就開始留意下佢la~~畀多少少心機佢la~~都只不過係澆多左水, 上網睇下d人點種low~

d人話每次開完花就要換一換水苔, 又要晒下太陽, 咁先會再開花ga wo!

點知...佢係唔知幾時生左枝干出尼....再過多左好多個月.....

有花霖la!!!!仲有好多o黍r!!!!!!!!!!

跟住再等左幾個月.....最近佢終於開花la!!!仲鬼死咁多r!!!!!!!

太感動la!!!!!!

我的仔仔女女~~ 每次攪下肉肉時, 佢地都會過尼八掛下!!!


新年的 五代同堂 ~ 上網見到有人可以種到出尼wo~

我又學下人地先! 新年個d五代同堂都仲未扔, 咁搵一個尼切開去...原來入面有好多種子ga!!

咁就放左入泥一個月到la~~ 佢終於出芽la!!!

唔知幾耐先再有變化呢~~~期待!!!!

hsiu 新開了小店 。 請多多支持。

hsiu@handmade