16 MAY 2014(FRI)
是日拋夫棄子，因為好姊妹糖糖請我睇舞台劇，賴恩慈的獨腳戲《女兒紅》~我依啲師奶仔一向都比較少留意舞台劇，坦白講，如果唔係因為糖糖介紹，我對賴恩慈都真係幾陌生。不過後來知道原來佢真係大有來頭，既係香港精神大使，亦都係2012十大傑出青年，而且《女兒紅》今次已經係第三度公演，所以話都真係好利害呀！
今日我地去伊館睇SHOW，回想去對上一次嚟都已經係NNNN年，嗰時係嚟睇SAMMI嘅MINI演唱會呀~
入場啦~
雖然我地都係$280飛，不過個位都唔錯，正面對住個舞台呀~
等左一陣就開SHOW，都好爆場哦~
今次表演係主要係分八個角色表達八種唔同年齡嘅女性所面對嘅問題，其實係佢扮演嘅故事人物當中，全部都係真人真事嚟，之後佢地將故事劇場化，表演俾我地睇。
係睇嘅同時，都真係有笑有淚，有啲情節再加上同觀眾嘅互動又真係好好笑，但其實都有好多感動位。我對扮演老婦嗰一幕同埋賴恩慈扮演自己講出佢身世嗰幕就最為感動，睇到我都眼濕濕呀！
獨腳戲就即係一個人做晒，所以全程都係賴恩慈表演，係依一個長達兩個半鐘嘅表演入面，佢一個人分演繹小女孩、少女、o靚模、港女、中女、師奶、女同性戀至老婦，仲要全程冇休息時間，仲要冇悶場，真係好勁呀！
其他博客區
※※ SINA ※※
※※ MyBB星級Blogger ※※
※※ WeShare ※※
※※ She.com ※※
※※ theZtyle ※※
※※ SeeWide ※※
