作為香港某攝影論壇保育堂堂主，最開心是看到越來越多人由數碼攝影踏足傳統菲林攝影。不要誤會，我從來不是那種覺得數碼跟菲林攝影對立的人，更加不喜歡去比較那一種比較「好」。不竟，時代不同了，數碼是現今的主流。但是，菲林攝影還是有它好玩、值得玩的地方。

最近，有位朋友分享了他踏足菲林攝影的作品，表示菲林攝影很困難。或者，菲林攝影沒有數碼般可以即時看出結果，最快都要等到拿去沖曬出來才知道拍得好不好，曝光是否準確。但是，當你玩多幾次，你就會發覺菲林攝影遠比你想像中更易拍出理想的相片。

玩菲林真的很容易？原因有三︰

1. 負片寬容度高，就算over左都好易救。記住一樣野，拍負片寧over勿under，例如用目測光度，唔肯定時就大一級去拍。舊菲林機好多時都係得 1/500或者1/1000快門，在陽光下收光圈是常識吧。但是，有時又想要淺景深，一於開大啲光圈over一點去拍，得左。數碼機呢種做法就唔work 了，因為數碼似正片，一over就會死白！



2. 就算邊部機數碼直出幾靚都好，都比不上專人幫你執相，係咪？一筒負片沖掃連CD都係$30，已包專人幫你tune好相片。當然，你可以話佢地都係流水式作業，但日做夜做個個都收貨，又差得去邊？



3. 菲林機大都操作簡單直接，就算是全手動既單鏡機，搞黎搞去都係光圈快門對焦，加上全部野都直接調整到唔駛按menu，出事位少好多。



-----------

雖然好多人話影菲林貴，但細心想想，一千幾百已經買到當年頂級科技，記住當年唔係人人都玩得起相機的！一筒菲林連沖掃現在起碼五六十元，但玩過菲林既人都知道，一筒菲林唔係咁快拍得完的，駛得你幾多錢？