沖繩的第二天
一大早,老公同朋友去玩潛水加睇鯨鯊
我同悠悠就瞓晏小小,落酒店食完早餐
就出發去酒店對出既沙灘玩沙
今日天氣幾好,有小小陽光,但又唔會太曬太熱,
海風吹尼好涼,好舒服
沙灘無乜人,我兩包場咁濟...
玩完沙灘,返酒店食啲野
食緊時佢地返尼啦
依個餐又幾好味呢
攪好晒check out,拎返行李就出發去文化王國
文化王國主力係睇玉泉洞
而入面仲有好多體驗可以玩既
例如做紙呀,織布咁
不過我地無玩,只係有去著沖繩服影相
悠悠著起沖繩服勁得意呢....大愛呀~~~
跟住就入玉泉洞喇
一入門口就感受到入面溫暖又潮濕既感覺
洞入面陰陰濕濕,一邊行,悠悠一邊嗌好驚...
不過我就覺得不枉一行啦..真係幾壯觀既,小朋友值得一看
一出左玉泉洞,見到有依個唔知叫乜既車玩
我第一次瞻粗粗話想玩
朋友之前玩過,所以好快自己玩
無運動細胞既我,笨手笨腳,要有個專人指導
一次玩20分鐘,我起碼15分鐘後先開始識去控制..你地話幾笨呢..kaka
離開文化王國,我地就去另一間酒店check in
今次係市區酒店,唔會有靚view
不過間房都幾舒服呀
朋友個間二人房仲正,有張按摩椅呀,玩完一日返去按一按真係正
休息完一陣,就出去晚飯啦
晚飯揀咗酒店附近既鐵板燒
依餐好正,好好食,有廚師係你面前煮比你食
仲會拋埋樽比你睇
悠悠睇到目定口呆呢..
食完晚飯,一出去落緊大雨
唯有返酒店,好彩近近地啫,
不過都九點幾了,無野好行啦
好嚇人ar
