亮： 銅鼓後來點呀？
詩： 後來到左明、清兩代，廣西實行「改土歸流」政策，部落首領地位衰落，銅鼓已經冇左原有代表權力ge作用，只當係一種樂器係民間流傳。
亮： 敢真係幾可惜ge！
詩： 作為件樂器都唔錯ge。每條村都有銅鼓隊，由音調高低唔同ge雙面公鼓同母鼓組成，公鼓體積細，音調高；相反母鼓體積大，音調低沉。
亮： 乜鼓都有公乸之分ga？
詩： 所以咪俾你聽下見識下囉。仲有呀，要由四個鼓手雙手攞住竹片，右手打鼓心，左手打鼓邊，令到節奏多變，音調和諧。
亮： 成四個人尼打，好難夾個喎？
詩： 係頂啦，佢地春節期間仲有個銅鼓比賽添ga？
