尼到沖繩第三日喇
都係一大早起身,食過酒店既早餐,就出發喇
今日去比較遠既地方
要個幾鐘頭車,真係辛苦老公了
第一站係座玻璃船
係車上時有落雨,落車後一陣就無晒雨喇
太陽伯伯仲開始出尼打招呼呢
去到岩岩隻船開咗,要等20分鐘左右
我地就四圍影影影
沖繩既山瑚海真係好好好靚
影完相,話咁快就可以上船喇
上船得我地同埋一班韓國人,
韓國人中有個小朋友,佢媽媽仲請悠悠食糖呢..好nice呀
一開船個時都幾搖呀,隻船行緊唔可以望海底住,會暈
出左去海到,隻船慢駛時,大家就睇得好興奮喇
船仲會放出一啲糧食尼餵魚,引啲魚過尼比我地睇呢
落船時見另一隻船開,有好多人,仲有香港人呀,好彩座早一班呢
講真,去到國外旅行,我唔係太想遇到香港人呢..keke
跟住就座架好靚既shuttle bus走人
座完玻璃船
就出發搵野食喇
之前係玉泉洞食左一餐唔好食既沖繩餐
我地決定係街搵食,唔好去觀光點食呀
不過唔知係唔係因為座完船
我同悠悠都有啲暈車浪
咁岩見到有100yen店同有間超市,我地就停底休息下
超市到有架好正既BB車呀
好過香港吉之島個啲呢...
悠悠即時話要座,仲要扮BB呢...
行完再上返車,路過左一間外面睇落有啲陳舊,但又幾地道既小店
一入到去,係他他咪既座住,好正
好有日本風味呀
菜單全日文,我地靠睇圖尼點野食
刺身,好正好新鮮
最好食係朋友叫既焗魚,條魚充滿牛油味,香到暈呀
我既魚生便當都好唔錯呀,估唔到會有咁多件魚生呢
仲有食到沖繩既特產,海葡萄
之前係香港買過尼食..超腥既
但原來係沖繩食係幾好食個喎,卜卜聲,咸咸地海水味
食飽飯,就出發去沖繩必去景點~~海洋博水族館
一係館內就可以摸下海星
悠悠又驚又想摸...好好笑
跟住就去睇魚啦
依隻應該係雞泡種尼既
有沖繩有名既海鰻..佢地個樣好攪笑呢
仲有會變色既尤魚(唔知係唔係)
最後出場,當然係鯨鯊啦..好大條呀~~~
行完個館,一出去就差不多時間睇show喇
係海豚表演,不過我覺得海洋公園個個好睇啲呢
依個就場地靚啲..話晒對出就係海呀
去完水族館,就返去行國際通
又要座成個鐘頭車喇...好在可以睇下風景
依個景幾靚
國際通係一條街,可以話係一條手信街
食左有名既海鹽雪糕,幾特別,但我唔覺好好食
食左卡樂B既即制薯條,我原先諗即制既,未好似麥當當囉
但原來完全唔同喎..幾好食呀..
行完就返酒店休息,泊底架車
跟住座兩個站單軌電車去食晚餐...
點解唔揸車???未因為老公大人想飲酒囉....Kaka
今餐去左食溫野菜,係shabushabu任食
佢啲肉好正,朋友狂食左好多,真係嚇親我..kaka
食完飯就行路返酒店,都唔係好遠
路經個公園,都幾好行呀...食飽行下幾舒服呢 ^^
真係要配佢咁清既水，先有意思
，香港就一來無咩魚
二來d水唔清～
