趁5。1假期，約左朋友仔一齊上深圳(筍崗)入貨，仲有差不多半年就大婚，買定都差唔多喇。

去之前上網搵定資料，睇下交通點去，睇下要買乜貨。另外一定一定要做定功課呀，除左了解下價錢，免得到時比人屈之外，亦都可以睇睇係咪同香港既價錢差不多，如果係既又重既都免得買+懶得拎。

我自己就做定功課整左個 EXCEL，之前係 wow blog serch 定有關價錢 (我係係呢幾個wow友度參考既：MrsChanToBe、momo_yan、od_chui & vinciyip)，List左最平同最貴既。當中相差都唔會太遠，除非係豪華版同普通版既分別。

wow友話要講價，我仲諗住每樣講，其實好難逐一每個項目講價，只可以到最後一次過講，收平DD，同埋叫佢送多D野。

最最最緊要係知道自己要買乜，跟住張清單去買，咪一陣覺得以為平，買下買下就好貴架喇，但原來又冇用既！又或者睇下有無朋友或者wow友會免費送贈，慳下慳下都好多架喇！

 

以下呢D物品就係朋友或者wow友送贈比我既：

 

呢D就係WOW二手買既：

 

果日9點9係彩虹搭地鐵火車過去，11點到達羅湖，過埋關搭的士過去筍崗，事前知道附近有咩建築物，見到黃色既building就知到喇，11點半就到了。

黃色既係A、B、C座，我地去左立興既總店。

總店：深圳巿羅湖區笋崗倉庫827棟笋崗工藝城三期四樓4020號大展廳

分店一：羅湖區寶安北路笋崗文具批發巿場A楝地下(一樓)扶手電梯前大廳102號

分店二：羅湖區寶安北路笋崗文具批發巿場C楝地下(一樓)1C15號

下面幾層都係賣傢俱，4樓先係，去到比我想像中唔係咁大間，仲以為好大間添，不過貨品就最齊全。附近A座同C座都有賣結婚野(立興/飛翔)，不過就細好多。

 

去到總店乜都放哂出黎，LOAD左陣究竟第一揀乜好，哈哈﹗

 

 

 

 

揀下揀下唔洗1個鐘就買完，按住張清單去執，其實最花時間都係揀款，好似茶具衣食碗咁，都有好多圖案花紋揀。

 

平來諗住逐樣講價，不過係唔成功既，最後總數計平左5蚊咁大把，見減唔到再多D，唯有叫佢送多D野，送左2包長方形利是封，每包6個，另外送左4個喜字貼。

 

戰利品：

 

 

 

之後係附近ABC座逛逛，差不多全部都係賣玩具，但都有少量精品，文具同絲花買。C座最新有冷氣，AB比較舊沒有冷氣的。

我買左2包紙相架同LOVE Postcard，到時裝飾會場用。另外買左 set LOVE 草盆及絲花用黎佈置裝飾用。買左包文件袋第時寫帖用。全部都係要講下價先得。

大約4點就截的士過羅湖返香港了。行左一日，好攰，不過好開心可以買齊野，唔洗再上去咯﹗

 

貼示：

1. 一定要做功課，了解價錢。

2. 最好唔好係暑假去，熱死。

3. 記住要講下價(雖然唔會平好多比你)，講完再叫佢送野。

4. 記得要CHECK清楚物品，我揀既衣食碗都睇左幾套先靚仔既。

 

 

有關產品試用 / 活動邀請  歡迎與我聯絡

Email: clothesmakecake@yahoo.com.hk

Welcome to my Facebook Fanpage ♥裳整餅♥