我家的沖繩之旅~~最終回

尼到我家的沖繩之旅第四日,又係最終回喇...

因為第五日係朝早11點幾機回港,又要還車,所以都無地方去架喇...

好..最後一日,睇野喇喂~~~~

 

朝早酒店早餐後,第一站係兒童王國

一睇個名就知係為悠悠而去啦

兒童王國有一百年歷史架喇

其實佢只係一個小小既動物園

不過我中意依度..無旅遊書介紹過

無乜香港人去過

依一日去到,只有沖繩小學生團

無香港人,無廣東話,無遊客,正!!!

 

一入去,個門口好吸引我呀....

 

 

 

岩岩遇上鯉魚旗節..好多鯉魚旗呀,日本鄉村味好濃呀...

今日天陰,好大風,又唔熱,都幾舒服

 

 

 

首先見到有個魚池,有魚有鵝可以餵

悠悠餵餵下,好多白鴿飛落尼搶食,嚇到悠悠哇哇叫...

 

 

 

 

 

依張相好攪笑既,夫婦朋友,老婆見到依個公仔,話要影到同佢鍚咀咁...

老公好努力咁瞓身係到地都影唔到...攪左一輪,就同大家講,攪掂,影到喇,行得

但原來佢影唔到..偷偷放棄咗...笑死我..

 

 

悠豬仔同豬仔合影

 

依個就係一百週年既忌念碑喇,其實依度真係有啲荔園FEEL...

(唔知乜野係荔園既,唔好問我..我仲好細架喇...KAKA)

 

 

有羊咩咩呀....

 

 

仲可以餵鼠鼠同兔仔,鼠鼠好好笑呀

 

 

 

 

仲有小雞仔可以抱抱...你地睇下個提示幾攪笑..

 

 

餵完小動物,就去睇大動物喇

中途遇上學生團,日本既小學生都好有禮貌呢,會讓我地過,底讚!!

 

 

 

 

 

 

 

 

 

 

 

小心佢射尿呀...哈哈哈

 

 

 

睇完動物見有旋轉木馬,悠悠包場

 

 

 

再玩電動車仔,大人都座得,可以一齊玩呢

 

 

 

離開兒童王國,就出發去附近既美國村喇

到左美國村,先去食個午餐

去左一間好地道,好舊式既旋轉壽司店

又食左好好食既一餐...

 

 

 

 

 

 

 

食飽就出去行街街喇

美國村都係一個旅遊區,成日會見到美軍出没

佢最有名既地標就係個摩天輪呢

 

依到既裝飾佈置都好靚,我地影過不停

不過就主要賣衫褲鞋襪,所以都無乜入鋪頭睇野

 

 

 

 

 

 

 

 

 

 

 

一見到依幅牆就好中意,即走埋去影相..悠豬又要跟住尼...

 

 

 

 

 

 

入左去一間遊戲店,類似冒險樂園咁既

玩左夾公仔,但失敗...

跟住悠悠話要玩依部麵包超人機喎

以為只係玩遊戲咁

點知,入完錢就發現係整爆谷既

係不知情下按左原味...

出尼既爆谷係無味架...kakaka

 

 

行完美國村,就去返國際通

朋友話要食月光貝同椰子蟹

到左一個街市,樓下係街市,樓上係食肆

係樓下買左海鮮,佢會介紹你上邊間食肆,會幫你煮

依餐就係大家既下午茶...下午茶食依啲,你話幾過份呢..KAKA

 

 

 

 

唔好海鮮既我,同悠悠去行街

食左個度有名既雪糕,仲見到有我至愛既PANCAKE

因為就快食晚餐,所以我只係買左個牛油砂糖

但真係好好食..點解日本既牛油咁鬼香架

 

 

 

 

 

行完國際通,大家返酒店休息

食埋前一日係超市買既西瓜

依幾日食得太熱氣,又無涼茶飲..

朋友係國際通買左個黃色既不明水果

點知.....超超超難食

又痴淋淋既,咬落口無乜味,有啲拿喉....最後掉左

 

 

 

休息過後,就出去食居酒屋....

朋友本來PLAN左去一間叫串角既

點知原來九點後小朋友唔入得

唯有改去附近一間叫串屋既,都係串啫..kaka

 

依到好有風味..真係多數係日本男人夜晚尼飲酒食野既地方

係我地啲香港人咁夜先尼食晚飯..哈哈

 

 

 

 

依到既串燒超級好食

真係炭燒既,香到不得了

配上佢地沖繩既海鹽,好鬼正呀

 

 

 

 

 

 

 

 

我仲叫左個梅子飯團,超好食呀

除左面個啲梅子,入面仲有架,

我愛上佢了...

 

朋友試飲左沖繩出名既泡盛

泡盛都係米酒既一種,

只係佢濃度高,要加水同冰沖泡尼飲既

可能係咁,所以叫泡盛

 

 

大家飲飽食醉後,就係咁完成左今次5日4夜既沖繩之旅喇

好唔捨得沖繩呀...希望有機會再返尼啦