7 塔門

          6月1日，端午節的前一天，約了R小姐到塔門郊遊，早上十時在鑽石山食早餐，食完大約十一時便乘96R巴士去黃石碼頭，去到十二時許，剛好有船埋岸，立即跑過去買飛上船了，船費每人十四蚊，船程大約半個鐘，可能當日天氣比較熱，所以人流比想像中少，但始終是假期，大船仍然是坐滿吧！

一上岸便聽到打晒鑼鼓，原來喺度練習龍舟。

我都攞番支旗影吓相先。

啲人一上岸行入碼頭好自然便轉左行，我就唔同佢地迫，轉右行，同佢地反方向繞場一周。

你睇吓條路幾清靜！

呢隻牛好衰格架，搶人手袋摷野食架，有兩個女仔就給牠搶了手抽袋，搞到成袋都係口水，個女仔掉咗手袋唔要了！

風景咁靚，我又要影相留念啊。

去完塔門返到西貢市中心，見時間還早，便在那裡行吓海皮吧！

在市中心海皮一早便set好晒坐位等明日端午節啲嘉賓上坐觀看龍舟比賽。

晚上又到全記食晚飯，叫了個小菜虾醬炒介蘭，呢個菜炒得非常香，好野味，但如果冇飯送嚟食就咸咗啲！

我又叫咗個我最喜愛的蠔仔泡飯同R小姐share，佢都話好食呀！

大熱天時叫野飲梗係飲凍野啦，連平時叫開熱野飲的R小姐都要學我飲凍野啊！我次次飲親都叫凍利賓納架喇，因為天熱飲呢個係特別正架。另外一杯係柚子蜜，都唔錯架。