拖左甘耐終於有時間可以打埋Bali最後一篇了!
峇里既最後一日行程既重點就係hea，
有好大原因都係因為Mia突然病左，
經過呢日後就知道無信錯人，
本來今日係沒book車去玩既，
前一晚好夜先打比中文司機黃先生(黃生)有半日時間可以做d咩，
黃生就話平平地收20美元，
載大Ka．Mia係庫塔附近行下睇下，
到夠鐘就送埋去機場，考慮左一陣，
覺得都ok又唔洗怕無的士或比的士司機呃，
行李又直接放係車上，唔洗再返酒店拎可慳番時間!
甘就又包黃生既車!
即使早餐再多選擇再好味Mia都係無晒胃口，
事原早一晚Mia突然嘔左幾次無咩訓過，
黃膽水都嘔晒出黎!
成個人都好唔舒服，全身無晒力，
行得郁都已經算好好!
Mia只食左麵包，
就坐係度望睇住大Ka開開心心甘食佢豐富既早餐，
大Ka食飽左就上房執行李同休息下，
夠鐘再同黃生會合!
大Ka．Mia成日受韓流影響下，
見到有味既牛奶一定要試下，
一支係士多啤梨一支係密瓜味，
好可惜兩支都唔好味!
呢盒係係街上面成日都見到人飲既野，
因為唔係寫英文跟本唔知係咩黎，所以買黎試下，
但原來另一面有用英文寫係茉莉茶只係發雞盲睇唔到!
所有飲品都係大Ka試，Mia一啖都無飲過!
同黃生聯絡左甘多日，
今日先第一次見佢真人，
果然係中文超流利(佢特登去學中文做生意)，
講國語仲好過大Ka．Mia，
佢既生意仲越來越好，真係後生可畏!
大Ka．Mia想去郵局寄明信片先，
黃生就係附近搵到間郵局，
黃生就一支箭甘同職員講要寄番香港既郵票，
仲幫手貼好晒郵票，大Ka．Mia咩都唔洗做!
基本上係峇里好多賣手信既店鋪都係海鮮價，
賣既開幾多錢都得，當然買既講一半以上價都係基本，
黃生話呢間手信超市就係跟標價，
唔洗煩要下下講價同又怕比人呃，
裡面咩都有，不過唔會好特別係基本款式!
大家可以參考下了!
大Ka．Mia見無咩特別行程，
又一場黎到峇里一於試下做SPA，
因為大Ka．Mia咩功課都無做過，
唔知去邊做SPA好，又係信晒黃生，
呢間SPA係黃生介紹，
SUMA SPA 環境好舒適，
價錢公道，約USD 50全身精油按摩!
大Ka．Mia一坐底就一杯凍既茶飲下先，
由於店內只有大Ka．Mia兩個客，
所以感覺好上賓!
一邊飲茶一邊填問題，
寫下個人有咩問題及要求，
等按摩師針對客人既問題去按摩，
跟住就係選用咩精油，
效用大致上都係寧神、舒緩等......
大Ka．Mia終於可以入房了!
一入去都係按腳先!
房內環境令人感到好舒服!
大Ka．Mia做完spa後，
成個人鬆晒，趕走晒前幾日累積既疲累!
Mia好似好番晒甘!
黃生帶左大Ka．Mia去庫塔出名既discovery shopping mall，
行下買下野同埋lunch，
但行行下時Mia又開始唔舒服了!
成個商場都無位比人坐，
唯有食番杯cold stone雪糕坐下休息下，
不過呢間cold stone咩都話無，
是旦叫杯雪糕食算了!
坐坐下Mia就訓著左，
辛苦大Ka自己坐左一個鐘，
夠鐘就打比黃生接大Ka．Mia去機場了!
大Ka同黃生講無食過飯，
同埋Mia淨係想嘔，真係好怕上唔到飛機，
黃生就帶左大Ka．Mia去登巴薩機場附近既小食店食野，
可能印尼果邊無清淡既粥食，
佢地唔舒服時係呢d'清淡'既雞湯，
其實點睇都覺得好油，味道係ok既!
仲有超級好味既串燒，
呢餐地道既印尼餐係黃生請大Ka．Mia食，
好開心食到一d地道既印尼野，
當大家都食飽諗住上車時，
Mia又突然嘔到九彩，
嘔番晒食過既野出黎，
不過嘔完個人舒服左好多!
大Ka．Mia終於順利去到機場，
記住之前唔好大花筒用晒d錢呀 !
因為每人仲要比IDR150,000既離境稅，
先可以出境! 仲有呢張貼紙!
係個gate度職員會問你拎番呢張出境卡，
記得放好唔好唔見!唔係就麻煩了!
Mia一上到機就已經半昏迷，
直到可以解開安全帶時，
直頭去到隔離三個無人坐既位，
訓直左個人，訓足成程機，個人舒服返d!
返到香港兩三日後突然收到黃生既text問侯，
感覺好窩心!
大Ka．Mia真心覺得佢係一個好人，
如何大家去峇里又想包車，不妨搵黃生幫手!
如果有興趣的人,可以連絡他~
wijaya7778@hotmail.com
+6281338713650
想更了解他 google 巴里島 黃志輝
又完左一個遊記，請繼續支持大Ka．Mia!
請按http://kaandmia.blogspot.hk/了解更多去過邊食過咩野!
累積瀏覽 49083
全部攻略 100
全部回應 33
