但早一排唔知做咩，甩好多頭髮，有D地方仲見到頭皮，真係好驚嚇，連小童生都問我頭髮搞咩呀？！所以即刻九秒九諗辦法，比我諗起 N 年前我哥因為壓力太大，出現過鬼剃頭既情況，佢既髮型師就送左支生頭髮用既野比佢，佢擦左之後又真係生返晒D頭髮出黎，好彩我仲記得個 brand，即刻上網找找，見到香港都有得賣，但都幾貴下，比我發現個 brand 幾年前開始，有些 products 轉左喺韓國生產，所以香港D貨源都變左係韓國入，所以我咪試下去 gmarket 找找，點知。。。。。。。。。係有，仲要係香港既半價。
當我決定訂D haircare products 寄到星加坡時，又開始心思思想睇下衫，嘩～ 不得了，我早幾個月時喺香港太子聯合買左條韓國裙，成三百幾差不多四百，Gmarket 賣。。。。。百幾蚊炸！即刻點燃左購物既慾望，今次試下買幾件衫，9號下單，13收到，快到無朋友！之前喺淘寶都買過一兩件普通衫，收到後發現質量同個 cutting 都有D怪，所以我一般唔會淘出街衫，而且人仔都幾高下，但今次 gmarket 收到既衫無論質量同 cutting 都好好，真心介 gmarket 比大家！
玻璃造既 products 一件都無碎，完好到埗！下面兩果盒野，香港要 $160/盒，gmarket 係百幾蚊兩盒，你話抵唔抵呀！
買左咁多野郵費都係 ＄130 左右，D貨都唔止慳呢個價啦！
敗得好開心呀！
感謝 小童太 提供以上資料
小童太 的網誌: http://kamameow.wordpress.com
