Mr.X 密室逃脫體驗館免費挑戰體驗之旅

7 JUNE 2014(SAT)

齊齊去玩啦~

其實依啲密室遊戲我都係第一次玩，所以其實都帶有一份驚驚地嘅心情去玩。

Mr.X密室逃脫體驗館位於紅磡廣場第二及三層，當行到入商場就自己見到好多圖畫引領我地入去啦~

一入到接待處，就地都分別俾依個密室逃脫館的燈箱吸引住，望住就已經覺得好緊張，大家都幻想緊入面係點呢~

由於我地早到左，所以接待員就安排左我地去樓上坐一陣。我地當然唔好浪費依個機會，係度不停攪攪陣啦~

玩之餘都有留意吓周圍環境，啲佈置都幾大型同埋幾特別呀~

仲有好多唔同種類嘅小遊戲可以俾大家玩呀~

另一邊係一個小酒吧，可以為客人提供場地搞音樂會或者係派對，環境都幾舒服呀~

攪攪陣左之後，終於輪到我地玩啦！負責人安排左我地入去佢地最受歡迎同埋最有視覺效果嘅ROOM 1俾我地玩~

唔好以為只係玩玩吓，係去玩之前係好認真，入房之前係需要做安檢，唔可以帶電話...計數機...相機入去，因為係需要靠與隊友合作，合大家嘅智慧去逃出密室呀~

我地嘅探險就由依個大門開始~

一入到密室，Mr.X 職員先細心講解一吓需注意事項，之後就分配了兩支電筒俾我地就開始啦！依個密室實際有大約1300尺，我地需要續一咁打算啲鎖逃走。係房間內真係要極度細心，將所以可能性都納入思考範圍，所以都真係超級難呀！

開頭我地都興致勃勃，不停搵線索，就連牆上啲細細嘅提示我地都要諗埋一份。我地都用左差唔多20分鐘，試過好多唔同方法，我地都仍然搵唔到重要線索去打開大夾萬，最後就只好用HELP咭請"救兵"先可以順利行去第二個關卡。

其實每一個關口我地都努力咁去搵辦法去打開個鎖再入去另一關，無奈啲機關都真係好利害，如果唔係好搵"救兵"嚟教我地點行時，我地都真係完全諗唔到，所以....好明顯我地之後幾個關卡都係要用HELP咭請"救兵"先可以成功逃脫，實在有少少失禮添！

雖然過關得比較醜怪，不過都總算係逃脫到，所以扮吓嘢影張勝利之相先~

為左令我地玩嘅時候可以投入啲，同埋唔好將啲機關秘密公開，所以玩嘅時候係唔可以影相。不過，負責人安排左我地係玩完之後，再入房間影幾張相，留個紀念啦~

係成個探險過程，真係最鐘意依個紅外線，好有職業特工隊FEEL呀~

整體上今次依個密室逃脫體驗都真係非常好玩同埋刺激，真係一個好好考驗自己嘅觀察、思考、腦力同智力嘅好方法(不過奈何我平日比較少用腦.....所以.....哈哈哈)。

但真係要讚一讚佢地嘅各位工作人員，服務態度好就唔在講，當我地用HELP咭時，佢地會好耐心咁引領我地去思考個問題，有時仲用好幾個方法引導，務求令我地可以自己解開個關卡，等我地增加多啲自信心呀！

其實我都覺得真係唔錯，不過可能因為我地比較心急逃脫，加上又走嚟走去，所以都有一定程度覺得熱熱地。所以如果可以加多少少冷氣，咁玩起上嚟就更加舒服啦！

再一次SeeWide香港特搜及MR.X真實版密室逃脫遊戲嗁邀請！

More Information :

SeeWide香港特搜
Website：http://www.seewide.com/index.php
Facebook：https://www.facebook.com/seewide.hk?fref=ts

MR.X真實版密室逃脫遊戲
Website：http://www.mrx.com.hk/index.aspx
Facebook：https://www.facebook.com/mrxhk?fref=ts

MY FACEBOOK~


MY WEIBO~

MY E-MAIL~

 

其他博客區
※※ SINA ※※

※※ MyBB星級Blogger ※※
※※ BlogSpot ※※

※※ WeShare ※※

※※ She.com ※※

※※ theZtyle ※※

※※ SeeWide ※※

 

※※ BK Milk 親子語 ※※

※※ Cook 1 Cook 星級廚師 ※※