追月之夜

星期日個日,全家人過尼我地屋企BB蕉

點知個日啲雨落下停下..最後B唔成,啲食物就咁煎晒尼食

好無隱....

尋日中秋節...晚飯後同悠悠去公園玩咗一陣

返到條村到,見成條村好熱鬧..

家家戶戶BBQ,好多小朋友係到玩

到今日..一於追月~~~

下午買好晒BBQ野食

上天台set好晒個場

望住個超級月亮

成個中秋氣氛出晒呢...好開心呀

我好中意中秋節既..因為我係舊曆八月十五出世架 ^^

睇吓有乜野食?

蔬菜區..BB蕉必食脆玉瓜,粟米...

今次見到泰國BB茄子,好得意....但好難食..哈哈

肉類區有澳洲和牛粒,豬頸肉同日本豬腩...


仲有必食有既雞翼

同我至愛既冬陰公魚餅...伴雞醬食一流架

仲有三文魚頭同有好菇味既大磨菇

海鮮類除左魚餅同三文魚頭,仲有大蝦,厚肉爽口,唔錯唔錯


BB蕉必有食品...腸仔丸類

仲必定要有既生菜,用尼包住肉加泡菜食,

無咁漏,仲無咁熱氣添架,岩晒怕啖啖肉既Lady

有小甫貓自家制梅酒,今次泡左兩年,梅味好濃

我中意加啲梳打水,沖淡返啲酒味,飲落順喉好味


中秋梗唔小得我自家制既奶黃月餅啦

整左18個..我得返一個咋~~~~


食品準備好喇

掛好燈籠,伴住超級月亮


超級月亮幾光...終於勝過大廈既燈光喇~~

仲有點點爉光..

老公負責燒,老婆負責食 ^^


悠悠負責玩~~~~



今日追左個超級月亮,2014年中秋圓滿結束,多謝各位欣賞~~~~~