Date: 27 Oct 2012 (Sat)
![]()
本來今日去內藏山,順便探奶奶,但係老公話驚內藏山仲未夠靚,唔想白行一趟,所以無去到.
咁樣呢個周末就由我發辦,唸下去邊喇~
好彩無去到內藏山,睇人地d相,超超超勁多人,根本係影唔到景, 所以,老公應承左我出年揀平日去,我錄埋音架喇,有證有據架,無得唔認數~![]()
星期六, 就先去南怡島啦~
因為我想喺冬天前出多d郊外, 又可以遊車河,睇紅葉...去南怡島就可以一次過滿足哂3個願望![]()
![]()
成排銀杏樹,好靚
![]()
去到加平站出面,已經排哂長龍, 2km路塞左大半個鐘有多...原來都有咁多人好似我咁癲,明知落雨都照黎~
![]()
到左碼頭,醫肚先..呢間味道唔錯,佢仲話唔好食就唔收錢..
![]()
食完1點幾2點,d旅行團開始散,到我地喇,去買飛~ 雖然人多,等左一班船先到我地,但係上到島d人就四散,基本上就唔覺人多...
唔跟人行,揀左條少人行既路線
![]()
有少少似童話feel~
![]()
![]()
![]()
![]()
![]()
![]()
![]()
未到5點開始天黑,行快兩步影多幾張相, 走人~
仲有...
就係搭船出番碼頭時好想食粟米,咁就去買啦,我要一條,跟住我叫老公買多一條俾自己啦,佢話唔要,佢要食熱狗,咁好啦,一陣間就食飯,唔好買咁多野喇...咁就我食粟米,佢食熱狗..
上到車,我要摷野,叫佢幫我拎住條粟米...
摷完,我攞番條粟米.....淨番一啖???!!! ![]()
我 : 做咩食哂人地支粟米呀?! ![]()
老公: 你叫我食哂佢架嘛...
我 : 我叫你唔好食哂呀!!!! 人地唸住坐長途車慢慢嘆架嘛,你同我食鬼哂佢~~![]()
老公: 無食哂呀,仲淨一啖...![]()
好靚呀
