9 大旗嶺樂園 (三顧 BBQ場 - 第二擊)：雨中浪漫 BBQ

事隔一個星期，為左慶祝同事生日，又返來 大旗嶺樂園 BBQ，為免大家有太大期望，對呢間 燒烤場，都係先向各位同事吹定淡風。

準時7點30去到 大旗嶺樂園 BBQ，估唔到11月中，都仲會落雨。經歷上次 BBQ 唔夠食，估唔到今次變左 燒烤場 落雨唔夠位，都唔知係 大旗嶺樂園 黑仔，定我每次 BBQ 都好黑仔。不過，擾攘左10分鐘，好彩 燒烤場 都好快安排到位俾我到。如果遲多半個鐘，可能就要食閉門匙。

不過 大旗嶺樂園，值得讚既係，過左一星期，燒烤場 負責人Joey真係有聽意見，燒烤場 內好多地方都有改善，燒烤 食物/ 燒烤 用品供應都好左好多！

大旗嶺樂園 夜晚 BBQ 別有一番味道


真係好大雨，餐具、枱全部濕哂...


燒烤場 內掛左個天晴公仔，可惜可能法力唔夠，11月都照落雨


今次 大旗嶺樂園 既食物明顯豐富左好多，青椒、鴨胸、豬腸、漢堡扒、青口等等，源源不絕供應


一般 燒烤場 有既丸、腸仔等有十幾款


今次 大旗嶺樂園 真係要雞有雞、要牛有牛、要豬有豬，全晚好似都無斷貨，唔錯，唔錯！


呢個紅色既豬腸味道唔錯，我同事食左十幾串...會唔會膽固醇太高架>..<


今晚雖然落雨，不過 大旗嶺樂園 都係人山人海好多人 BBQ


呢個 燒烤場 醬料係用者自付，不過好似其他 燒烤場 都係咁


臨完場前，仲俾我見到有秋刀魚拎，唔錯，一個完美既終結！


成日食生日蛋糕，食到好悶，今次以多士代蛋糕，大家再唱左首生日歌俾個生日同事～哈～