探險家攻略 > 休閒玩樂 / 城中探秘 / 旅遊 > 海灘 / 特色景點 / 古蹟 / 廟宇 / 其他 / 長線旅遊 > 檳城。清真寺﹑觀音亭﹑教堂﹑海灘

檳城。清真寺﹑觀音亭﹑教堂﹑海灘

由平凡人於 2015-01-13 00:00:00 發表 | 累積瀏覽 1509

分類：海灘長線旅遊特色景點廟宇古蹟其他；地區：檳城

< 新加坡﹑馬來西亞8天遊 >

第六天（續）

馬來西亞天氣熱，留係有冷氣地方就最舒服，係hostel坐到唔想走XD休息左一陣，我識既兩個檳城朋友黎到搵我啦，之後既行程就唔洗我操心，有朋友帶住玩檳城，多謝^^午餐時間已到，我地上車先去搵地方開餐，去左檳城好出名既「愉園茶室」

愉園茶室好多人，好彩去到咁岩有位；呢個環境好有味道，就好似香港舊時冰室一樣，地方一定冇新式連鎖店咁靚，但就多左連鎖店冇既親切感；近年係香港我都少左幫襯連鎖食肆（麥當勞除左！），都係支持傳統鋪頭仔仲好



啲炒粿條好似炒得好好食咁bor，就叫你啦

今朝先食完炒粿條，食過返尋味所有又再食啦，呢道炒粿條都係超好食，而且都係咁細碟~

食咁少唔多夠，再叫其他野食；呢道咁多人圍住一定有好野食啦，再叫呢個

其實佢係賣珍多冰，珍多冰加上椰汁﹑紅豆等等材料，又係超好食既美食，而且天氣咁熱食珍多冰食到透心涼，好正！

呢道福建蝦麵都好出名，但我冇食啦


食完一餐美味午餐，就由愉園茶室所在地景貴街出發漫遊檳城


係街上走丫走，見到所有建築物都古式古香，喬治城就好似一座活生生既古城，將從前美麗環境帶到現化社會



想係香港搵返呢啲傳統工藝真係有難度，又或者香港可能已經容不下佢地啦

隨左壁畫出名，鐵線畫係檳城都好出名架

繼續行繼續行

原來檳城華人同香港一樣，農曆七月盂蘭節時期都會搭戲棚上演神功戲



經過「甲必丹吉寧回教堂」（Kapitan Keling Mosque）；馬來西亞最大民族馬來人信奉伊斯蘭教，所以馬來西亞有好多回教堂（即係我地平時叫既清真寺），而且仲起得好靚；係出面望入去呢座清真寺又大又宏偉，仲好新好靚

「甲必丹吉寧回教堂是檳城最古老的回教堂之一，始建於公元十九世紀80年代，1926年由來自印度的回教商人甲必丹吉寧(Kapitan Keling)修建，建材也是從印度進口，因此其風格也帶點印度色彩，如黃色的主色調，並蓋上了圓形的穹隆頂。甲必丹是他的勛銜，吉寧是他的名字。」

佢地就舒服啦，坐住車來睇


行冇幾遠見到潮州會館同一間廟，入廟參觀一下



檳城寺廟好歡迎入去參觀，可以隨意影相，亦都唔洗擔心好似大陸個啲廟咁經常呃人

呢間小小既廟都雕刻得好細緻



出去繼續漫遊

唔肯定呢間係咩？

檳城呢道都有個小印度

又再路過寺廟，仲要唔只一間，孚似7-11咁總有一間係左近



向下個目的地前進

好快就行到檳城最古老，亦都係香火最鼎盛既佛教廟宇「廣福宮」（觀音亭）

廣福宮已經有二百幾年歷史



有美女參拜緊觀音菩薩，唔打擾佢啦


呢道既雕刻都係咁細緻

由觀音廟行冇幾遠，就去到聖喬治教堂

1818建成既聖喬治教堂係馬來西亞最古老英國教堂


入面都幾靚架，入去時有人會問來自邊道，答左就可以入去參觀影相；係馬來西亞無論教堂﹑廟宇﹑清真寺等等大多都好歡迎遊人參觀，馬來西亞人真好呢



離開教堂繼續向海邊方向行；天上開始出現黑雲，天氣唔會變差掛？

行到去郵局，最重要係買郵票寄podtcard

向碼頭方向行



去到碼頭就可以坐上呢部CAT巴士；CAT巴士係喬治城行走，而且係免費，坐住佢就可以遊覽喬治城大部份地方，而我就坐佢先返去hostel check in

Check in好後朋友開車帶左我去檳城西部地方，去西邊要經過山區，又上山又落山，平時我坐開長途車都唔會有問題，今次比呢座山轉到頭暈，差少少就要嘔出來...唔好以為落左山就冇事，回程仲要轉多次，救命丫！挨左唔知幾耐終於離開山路，路過馬來西亞原居民房屋，佢地會將自己屋企起高，變成高腳屋

椰樹之上發現好多椰子，應該唔會跌落黎仆中人掛？

見時我地見到既椰子樹都係又高又大，呢道竟然有棵咁細...

一大片稻田



由小路入去一啲鮮為人知既地方，其實我都唔知去緊邊道


有返啲椰林樹影先至有檳城特色ma

唔知呢間屋仔係養雞定養牛呢？

由小路繼續前進，去到一條小小漁村



行出漁村就可以見到大海啦



呢道係一個紅樹林，而家水退就可以清楚見到好多好多紅樹

有紅樹林就緊係有彈塗魚，仲有好多蟹仔等等小動物，其實就好似去左濕地公園，不過呢道比起天水圍濕地公園大好多好多呢

貓仔都有

開車繼續沿海邊行，可以見到一望無際既大海



超多紅樹

成個天都係雲，唔通想落雨

最後去到檳城西南方一個軍營出面落車，我當然唔會大膽到走入人地軍營啦


坐左咁耐車，目的地就係呢道，一個冇咩人到既沙灘，對出就係大大大大大海



唔知寫咩呢？

咁遠來到呢道其實係想睇日落，但見到咁多雲都知道同日落無緣，呢啲都係隨緣啦；不過係回程路上竟然見到大大個咸蛋黃係雲之中走出來，係車上唔方便影相，唯有用心記住呢一刻

車開左入一個人完全見唔到人既山區，不過已經天黑，視野唔太清楚



望住地圖見到自己去左山中間，睇完都唔知自己係邊


行行下路過一個叫浮羅山背既小城鎮，我見識少浮羅交怡就聽過，浮羅山背係第一次聽

再路過一個地方進行緊一個強勁音樂會，音樂聲大到拆天，我就真係頂唔順啦，不過好多觀眾好似聽得好開人咁bor

停左係路邊一個小地方，原來係想係呢道買野幫今晚晚餐加餸


除左腸仔之外唔太清楚係咩，啲野食落又幾好食

九點終於返到市區，去到一間麥當勞對出停車，諗落黎左馬來西亞咁多日都仲未食麥當勞bor！但今餐唔係食麥當勞，有其他好野食

去到當到人都推薦既長園美食中心；檳城有好多唔同美食中心（即係我地平時叫既大排檔），好多遊客都喜歡去新關仔角美食中心，不過朋友話新關仔角個邊做遊客生意多，質素冇呢道咁好

好多人

檳城福建蝦麵好出名，咁就叫碗來試試


個個朋友去檳城都話食福建蝦麵，我都唔執輸試下，但要知道我係唔食海鮮，食落口先知呢碗蝦麵好重蝦味同唔知咩味，唔係好岩我食！好彩叫左枝可樂中和一下味道！不過可以證實呢碗蝦麵係真材實料！

頭先係路邊就係買左呢啲返來食啦


離開時已經算夜，少左好多人lu

上車時冇落雨，但返去途中就行雷閃電落大雨，好彩已經上左車，唔係就慘啦冇人有帶遮；朋友車我返到hostel門口，我用兩秒時間跳入去，但都已經濕晒，雨實在太大

呢道住左好多人，等左一陣先有位置沖涼


成晚出面都繼續行雷閃電，我就唔理咁多，坐車坐到頭暈暈沖完涼好快就訓左啦，出面發生咩事都唔知lu