歐洲自由行 * 2015 ( 火車之旅 Berlin /Munich /Salzburg - Day 5 )

07 Jan ( 住 Salzburg )

今 日正式離開柏林 , 向奧地利既 Salzburg 進發 . 好好采出發前買到特價火車票 , 而唔洗買 44 (每多一個人加 8 歐元 ) 的跨邦票 . 要知道原本一程直車 , 每位 120 歐元起 , 太貴情況下先決定買相對比較便宜的跨邦票 , 但卻要轉 5 次火車 .

當然仲有另一個便宜方法就係坐長途巴士 , 但小地勤會頂唔順佢個厠所 .

所以一心打算坐火車 , 德國 DB 火車好乾淨 , 座位都好舒適 . 好多時都有差電位同有張枱 . 有時仲會係雙層既火車 . 最鐘意佢地個厠所 , 比飛機既大少少 , 但好乾淨 .

係上火車前 , 想再食多次係國會附近食到既 Dunkin' Donuts , 一個早餐連杯熱飲先 4-6 歐元 , 算好抵 .

柏林 HBF 依間 Dunkin' Donuts 好大間 , 可惜無我上次食個條熱狗 .

唯有隋便叫一個餐上車食 , 今次依個包好大個 , 我由朝早食到中午先食完 .

其實依加已經成 8 點 , 但人影都唔多個 .

由 Berlin 係無直車到 Salzburg , 一定要係 Munich 到轉一次車 .

因為小地勤菇寒 , 唔肯比多幾歐網上訂位 , 所以要搵位坐 . 依個位代表比人訂左 .

好采都搵到兩個無人訂既位 , 不過因為係 4 人位 , 所以有兩位大嬸搭枱 . 不過佢地兩位坐左半程車就落車 , 之後都無人再搭我地枱 .

真真正正要同柏林講 88 .

今次要坐 6 個鐘先到 Munich , 再係 14 分鐘內轉下一架車去 Salzburg . 坐成 6 個鐘 , 小地勤買左一堆零食 , 食完又訓 , 訓完又食 . 車上有顯示屏話你知身處位置 .

四小時後 , 一打開眼 ...去左另一個世界咁 . 上車時 , 一粒雪都無 , 突然黎到雪既故鄉 , 同事興奮到不停咁影相 . 因為佢係第一次見到雪 .

 

火車準時到達 Munich , 依個地方小地勤已經好熟悉 , 帶住同事好快跑左去另一月台上車 . 上車無奈就開車了 , 睇住有個女仔無跑到 , 拍門都無用 .

Munich 跟 Salzburg 好近 , 每小時都有直達火車 , 車程 2 個鐘 , 屬短途車 , 所以唔洗留位 , 大把位任坐 .

歐洲好多地方厠所都收費 , 火車上係免費 , 所以落車前記住去個洗手間 .

奧地利既雪 , 好厚 , 同事話好期待踏雪 .

差唔多六點先黎到 Salzburg , 另一個小地勤好熟悉既地方 , 話曬今次係第三次黎依到 . 雖然酒店距離車站要 15 分鐘路程 , 但因為無盪失路 , 所以好順利 . 放底行李後 , 本來想帶同事去古城區食豬排 , 點知未夠七點就關門了 .

附近亦無咩餐廳 , 同事好肚餓 . 小地勤決定唔理價錢 , 食左先算 . 

古城區得依間餐廳仲開緊 . 如果唔係冬天 , 我會想坐外面 .

依間餐廳比想像中便宜好多 .

其實唔太睇得明 , 點至兵兵 , 點左依個白汁麵 , 超好味 ! 約 7 歐元 .

另外叫左個 Pizza , 上枱時嚇死左我地 .

成張枱咁大塊 , 結果打包左一半走 . 雖然看似平凡 , 但芝士超好味 . 咁先賣 6 歐 !

今日只係係古城打左個轉 , 但因為古城無開燈 , 所以一張相都無影就返左酒店 ! 一日又完結了 !