今次做了禮盒送給好朋友, 腰果酥就是其中一樣喇 !
今次應質關係, 只做腰果, 但係我又覺得腰果好味d 噃 !
合桃就傳統d 囉, 但係腰果酥正, 個個食過都讚 !
我會一部份壓至細粒包入餅中, 再一些完粒放面裝飾 !
要包裝下先, 唔可以咁亂放呢 !
食譜
材料 :
低筋麵粉 150g
固體菜油 80g (我改了用豬油 )
砂糖 70g
吉士粉 1湯匙
梳打粉 1/2 茶匙
臭粉 1/4 茶匙
水 1湯匙
蛋黃 1隻
合桃 or 腰果 適量
做法 :
1. 梳打粉, 臭粉加1 湯匙水拌勻.
2. 砂糖放入盤內, 加入梳打粉水拌勻.
3. 麵粉, 吉士粉過篩, 加入 (2) 部份中, 再加入
固體菜油, 輕搓成麵團, 將麵團靜 20分鐘.
4. 將麵糰分成小份, 搓圓按扁少少, 排放於焗盤上,
掃上蛋汁, 加上合桃和腰果.
5. 放入己預熱焗爐, 170度, 焗15-20分鐘, 每個爐溫
有分別, 蛋上色就可, 否則太硬,唔夠鬆化架喇 !
我呢個食譜係跟facebook 群組, 愛煮愛分享食譜做,
又易做, 又有效果, 超讚 ! 嗚謝谷主無私0既分享 !
請大家多多支持讚好吖!
