哈哈, 如果唔係咁岩洗機, 都唔記得左原來我係呢個SeeWide係有個acc. , 仲要荒廢左咁耐......
唔知點解入番黎呢度, 又好有衝動想打下字, 不過打長文就免喇, 係咁意寫幾隻字呃下分就可以！
話說早前同朋友仔一齊去到西貢, 由於已經夜晚9點, 所以想食海南雞飯都收左工;
咁上Openrice一睇, 見到呢間Pizza店都幾多笑面, 就揀佢啦！
負責落單果位店員, 好似不太識中文, 咁我唯有指手劃腳手口並用咁叫野食啦;
不過佢都好nice, 而且同佢講住英文+身在西頁, 即刻幻想自己變成老外 (我都知我諗多左)
講返D野食, 由於我地只得3個人, 但又想試多幾款, 所以就咁揀左3款pizza各一件, 再加個沙律同埋千層肉醬麵就夠皮喇;
Pizza方面, 份量真係好大, 剩係一件都肯定大過出街買嘅迷你批; 材料都算足料, 熱辣辣果陣食絕對唔差, 不過凍左果陣, 因為個批邊較厚, 所以真係要考考牙力........
沙律幾新鮮, 醬亦足夠, 唔錯唔錯
千層肉醬麵亦都有中上水準, 多肉醬, 芝士夠, 合格合格
價錢方面, 3個人埋單食左$255, 以西貢區黎講, 我覺得可以接受丫！
