北海道 Sapporo 自駕遊 ( 行程篇 ) * 2015 五月

21.05.2016

日期 : 2015 年 5 月 16 至 2015 年 5 月 20 日 ( 五日四夜 )

目的地 : 日本北海道 Sapporo ( 札幌 , 小樽 , 余市 )

酒店 : Hotel Monterey Edelhof Sapporo

五月是幸福的 , 因為補返勞工假 , 可以連放 6 日 , 所以由台北改到北海道 . 小地勤是第一次踏足北海道依個地方 . 北海道真係好大 , 想一次就玩完 , 絕對無可能 . 五日之中 , 機程就已經用左兩日 , 實際得三日可以玩 , 而每個地方相距起碼一小時車程 , 如果今次小地勤唔係自駕遊 , 相信去既地方唔會多 .

因為放完假後 , 又開始忙返工 , 忙東又忙西 . 最重要係要再計劃一下兩星期後既行程 ! 六月七日又開始放一星期大假 , 會繼續北海道其他地方 , 希望六月北海道之旅前可以清左個五月北海道 ~

第一天 :

由香港飛北海道 , 飛行時間為 4 小時 25 分 , 去到北海道 , 已經成三點幾 .

攞完車 , 再開車入札幌 , 差唔多成七點 , 而大部份商店未夠九點就關門了 , 只可以食拉麵 , 之後就要返酒店 .

第二日 :

北海道天氣很奇怪 , 由札幌開車到名水公園 , 山下是開得好靚既櫻花 . 第一次見到開得咁靚同咁多 .

之後係半山見到紅葉 , 經歷落大雨 , 到山頂係飄雪 !

開左差唔多 3 小時車 , 終於黎到名水公園 . 用左 3 小時係因為中間停左好多次 , 這是自駕遊既樂趣 .

最後開到小富士山 , 可惜天氣唔太好 , 睇唔到佢既全相 .

之後又開車去左余市酒廠以及海濱公園 .

第三日 :

全程留係札幌市四圍遊 . 第一站羊之丘 , 一個要比入場費既公園 .

第二站去參觀神社 .

第三站到二條市場吃午餐 .

第四站 Shopping , 狸小路以及 JR 站附近的商場 .

第五站電視塔 , 其實就係酒店附近 .

第四日 :

小樽遊 , 音樂盒同西松屋 , 花左我最多時間 . 坦白講 , 小樽麻麻地好玩 .

第五日 :

先到千歲看一看湖景 .

返機場前到 Outlet 參觀一下 , 可惜時間太短 , 吃完飯就要走人 . 下個月 , 我會再來的 !