有海產既菜通常都要講究新鮮~~
如果新鮮的話, 其實好多時候用清水煮都非常化鮮甜味美。
天氣都凍凍地... 個人又懶懶地~~整D簡單野先~~
今次就用胡椒湯黎煮個飲得食得又暖身既【胡椒花蜆粉絲湯】啦* 好味~驅寒~又暖身。
做法：
1. 將蜆放入清水入面, 加少少鹽, 令佢吐沙..(通常我下晝買完返黎就浸.. 浸到黃昏就開始煮..因為我實在唔想食到有沙... 浸浸浸...浸耐d~ 穩陣d~~~)
2. 粉絲浸軟備用~~
3. 熱鑊落dd油, 爆香薑片~蔥段~黑、白胡椒粒~~炒到香噴噴~~攢入少少米酒, 增加香味~~
4. 加入適量水~~慢火煮15mins左右~加入粉絲~好快就會聞到胡椒香味湧出黎喇~~呢個時候就可以加入蜆~
5. 煮到d蜆完全開口~就可以加d鹽, 糖同埋魚露調味~~ 食得!!
呢個湯真係不得了!! 鮮甜!! 大家都試下啦~~~
大家可以去Facebook 搵我~ https://www.facebook.com/kpigkitchen
